គូម៉ា ទម្លាយពីអារម្មណ៍ជ្រះថ្លាខ្លាំង ក្រោយបានស្ដាប់ឱវាទរបស់ព្រះអង្គ ចន្ទ មុនី

សិល្ប៖ ព្រះកិត្តិនាមដ៏ល្បីរបស់ព្រះអង្គ ចន្ទ មុនី បានធ្វើឲ្យមហាជន និងពុទ្ធបរិស័ទទាំងក្មេង ចាស់ ប្រុសស្រី មានចិត្តជ្រះថ្លាធ្វើដំណើរមកពីគ្រប់ទិសទី ដើម្បីស្កាត់ជួបព្រះអង្គ និងសុំនូវសេចក្ដីសុខចម្រើន ។

ពិតណាស់ ឲ្យតែកន្លែងណាដែលមានវត្តមានរបស់ព្រះអង្គ ចន្ទ មុនី ហើយ កន្លែងនោះ និង មានមនុស្សទៅជាច្រើនហូរហែ ដោយនៅថ្មីៗនេះដែរ ព្រះអង្គ ចន្ទ មុនី ទ្រង់បាននិមន្តទៅខេត្តសៀមរាប ក៏បានធ្វើឲ្យភ្ញៀវទេសចរនៅខេត្តសៀមរាបមានការកើនឡើងខ្លាំងគួរឲ្យកត់សម្គាល់ផងដែរ ។

ជាមួយគ្នានេះតារាចម្រៀងសំឡេងស្រួយលោក គូម៉ា ក៏បានធ្វើដំណើរទៅជួបព្រះអង្គ ហើយថែមទាំងបានស្ដាប់ឱវាទរបស់ព្រះអង្គដោយផ្ទាល់ នៅខេត្តសៀមរាបទៀតផង ទន្ទឹមគ្នានោះលោក គូម៉ា ក៏បានបង្ហោះរូបភាពជាច្រើនសន្លឹក និងភ្ជាប់មកជាមួយ Caption ថា ៖ “ ឱវាទរបស់ព្រះអង្គ ចូលស្ទឹងតាមបត់ ចូលស្រុកតាមប្រទេស កុំបៀតបៀនអ្នកដទៃ ទោះទៅដល់ទីណារមែងទទួលបានសេចក្ដីសុខ មានទុក្ខ មានសុខ មានយស បាត់យស មានលាភ បាត់លាភ សសើរនិន្ទាជារឿងដែលមនុស្សគ្រប់គ្នាជួបប្រទះ យើងត្រូវរៀនបើកចិត្តទទួលយកហើយព្រម បើយើងឆ្លងមិនផុតប្រាកដណាស់ គឺហែលទឹកភ្នែកខ្លួនមិនខាន លោកក៏បានបន្តទៀតថា អរព្រះគុណព្រះអង្គក្រៃលែងជ្រះថ្លាណាស់ និង ជាសំណាងដែលមានភ័ព្វនិស្ស័យបានស្ដាប់ឱវាទរបស់ព្រះអង្គដោយផ្ទាល់ សៀមរាប ។​​​