អស្ចារ្យណាស់ ! ទីបំផុត ផន ស្រីពី អាចបើកទ្វារចូល Top ដំបូងក្នុងកម្មវិធី Miss Intercontinental 2024

កាលពីថ្មីៗកន្លងទៅនេះកញ្ញា ផន ស្រីពី បានធ្វើដំណើរទៅចូលប្រកួតក្នុងកម្មវិធីប្រកួតសម្រស់ Miss Intercontinental 2024 បន្ទាប់ពីបវរកញ្ញារូបនេះបានបង្ហាញពីសម្រស់ដ៏ស្រស់ស្អាត និងសមត្ថភាពរបស់នាងនៅលើឆាកអន្តរជាតិហើយនោះ ផន ស្រីពី ក៏ក្ដោបបានឱកាសឈានចូល Top 22 ដែលលទ្ធផលនេះបានធ្វើឱ្យប្រជាជនកម្ពុជាអ្នកដែលនិយមគាំទ្រវិស័យបវរកញ្ញារំភើបចិត្តជាខ្លាំងចំពោះលទ្ធផល និងការខិតខំប្រឹងប្រែងរបស់ ស្រីពី ខណៈនេះគឺជាឆ្នាំដំបូងដែលកម្ពុជាអាចបើកទ្វារចូល Top ដំបូងក្នុងកម្មវិធី Miss Intercontinental ។

ពិតណាស់ការខិតខំប្រឹងប្រែងពិតជាមិនក្បត់នឹងយើងទេ ផន ស្រីពី ទទួលបានកោតសរសើរជាច្រើនពីសំណាក់មហាជន លើសពីនោះនាងក៏ទទួលបានការឧបត្ថម្ភជាទឹកប្រាក់ចំនួន ១៥០០ដុល្លារ ជាការលើកទឹកចិត្ត បន្ទាប់ពីនាងទទួលបានជ័យលាភី Top 22 ពីម្ចាស់ហាងពេជ្រ CSNJ CO., LTD. ឧកញ៉ា ជិន សំណាង ផងដែរ ។

ដោយក្ដីរំភើបក្នុងនោះ ផន ស្រីពី ក៏បានបង្ហោះសារមួយដោយរៀបរាប់ថា « នាងងខ្ញុំផន ស្រីពី សូមថ្លែងអំណរគុណដល់បងប្រុស Oknha Chin Samnang ដែលជាម្ចាស់ហាងពេជ្រ CSNJ CO., LTD. ដែលបានឧបត្ថម្ភជាទឹកប្រាក់ចំនួន ១៥០០ដុល្លារ ជាការលើកទឹកចិត្តបន្ទាប់ពីនាងខ្ញុំទទួលបានជ័យលាភី Top 22។ ប្អូនសូមជូនពរបងប្រុសឧកញ៉ា ឱ្យមានសុខភាពល្អ សំណាងល្អ រកទទួលទានមានបាន នឹងជោគជ័យគ្រប់ភារកិច្ច ដោយក្ដីគោរពរាប់អានពីនាងខ្ញុំ ផន ស្រីពី» ៕