ល្អហួស ប្ដេជ្ញាឆន្ទៈបូជាកម្លាំងចិត្ត កម្លាំងកាយ ញើសឈា.ម ដើម្បីសិល្បៈវប្បធម៌ជាតិខ្មែរ

ម្ចាស់មកុដបរវកញ្ញាយុវតីកម្ពុជាឆ្នាំ២០២៣ ជូរី ល្អហួស ដែលដណ្តើមបានមកុដ Miss Preteen Junior Idol World 2024 ត្រូវបានគេសង្កេតឃើញថា នាងពិតជាមានទីផ្សារការងារជាច្រើនយ៉ាងមមាញឹក តាមរយៈសម្រស់ដ៏ស្រស់ស្អាត និងទេពកោសល្យ ក៏ដូចជាសមត្ថភាពរបស់នាង លើសពីគេក៏តែងឃើញវត្តមានបរវកញ្ញាវវ័យក្មេងរូបនេះចូលរួមក្នុងការងារសង្គមជារឿយៗផងដែរ ។

យ៉ាងណាមិញកាលពីពេលថ្មីៗកន្លងទៅនេះម្ចាស់មកុដ Miss Preteen Junior Idol World 2024 បានអះអាងនូវការប្ដេជ្ញាឆន្ទ:របស់ខ្លួនជាថ្មីលើវិស័យសិល្បៈវប្បធម៌ខ្មែរ ក្នុងនោះ ជូរី ល្អហួស បញ្ជាក់ថា «នាងខ្ញុំសូមបូជានូវកម្លាំងចិត្តកម្លាំងកាយ ញើសឈាម ដើម្បីសិល្បៈវប្បធម៌ជាតិខ្មែរ »។

ពិតណាស់នេះមិនមែនជាលើកទីមួយនោះទេដែល ល្អហួស បានបង្ហោះសារបង្ហាញការប្ដេជ្ញាចិត្ត ដើម្បីចូលរួមផ្សព្វផ្សាយលើកស្ទួយនូវមរតកវប្បធម៌និងទេសចរណ៍ ទៅលើឆាកជាតិឆាកអន្តរជាតិឲ្យនៅគង់វង្សយូរអង្វែង សម្រាប់កូនចៅជំនាន់ក្រោយបានស្គាល់នូវអ្វីដែលជារបស់ខ្មែរ ៕