កក់ក្ដៅណាស់ ! តារាខ្មែរល្បីៗជាច្រើនដួងបាននាំគ្នាធ្វើវីដេអូ និងបង្ហោះសារលើកទឹកចិត្ត ចន សុទីម៉ា កំពុងប្រកួត MU ខណៈវគ្គផ្ដាច់ព្រ័ត្រជិតមកដល់
សិល្ប៖ កាលពីថ្ងៃទី ០៣ ខែ វិច្ឆិកា ឆ្នាំ ២០២៣ កន្លងទៅ បវរកញ្ញាចក្រវាលកម្ពុជាឆ្នាំ ២០២៣ កញ្ញា ចន សុទីម៉ា បានចេញដំណើរពីប្រទេសកម្ពុជាហោះទៅប្រកួតនៅប្រទេស El Salvador ដែលតំណាងឲ្យកម្ពុជាទៅចូលរួមប្រកួតលើឆាក Miss Universe លើកទី ៧២ ទន្ទឹមគ្នានោះ សង្កេតឃើញថា បវរកញ្ញាចក្រវាលកម្ពុជា កញ្ញា ចន សុទីម៉ា កំពុងទទួលបានសន្ទុះនៃការគាំទ្រ និងការចាប់អារម្មណ៏ខ្លាំងទាំងក្នុងស្រុក និងក្រៅស្រុកផងដែរ ។
ខណៈ ការប្រកួតវគ្គផ្ដាច់ព្រ័ត្រកាន់តែជិតមកដល់ ស្រាប់តែមានការភ្ញាក់ផ្អើលមួយ នៅលើបណ្ដាញសង្គម Tiktok ដោយមានតារាចម្រៀងល្បីៗជាច្រើនដួងបាននាំគ្នាធ្វើជាវីដេអូ និងបង្ហោះសារជូនពរដល់កញ្ញា ចន សុទីម៉ា ដែលកំពុងតែប្រកួតនៅលើទឹកដីប្រទេសEl Salovador តាមរយៈវីដេអូទាំងនោះមើលទៅគឺពិតបានផ្ដល់ភាពកក់ក្ដៅ ដល់បវរកញ្ញាចក្រវាលកម្ពុជា ចន សុទីម៉ា ខ្លាំងណាស់ ។
គួរបញ្ជាក់ផងដែរថា ការប្រកួតវគ្គផ្ដាច់ព្រ័ត្រ Miss Universe លើកទី ៧២ ដែលធ្វើឡើងនៅលើទឹកដីប្រទេស El Salvador នឹងប្រព្រឹ្តតទៅ នៅថ្ងៃទី ១៩ ខែ វិច្ឆកា ឆ្នាំ ២០២៣ វេលាម៉ោង ៨ ដល់ ១១ ព្រឹក អ្វីដែលកាន់តែពិសេសនោះក៏មានការឡាយផ្ទាល់នៅលើHang Meas TV ថែមទៀតផង ៕
