នារីៗជាច្រើនហាក់សម្ដែងការខកចិត្ត ខណៈ Meezy24k បង្ហាញរូបភាពស្និទ្ធស្នាលជាមួយ ឌៀប សុហ្វៀរ៉ា

កាលពីថ្ងៃទី១៩ ខែវិច្ឆិកា ឆ្នាំ២០២៤ម្សិលមិញ តារាចម្រៀង Meezy បានបង្ហោះរូបភាពស្និទ្ធស្នាលគ្នាខ្លាំងជាមួយបវរកញ្ញាវ័យក្មេង ឌៀប សុហ្វៀរ៉ា និងបានភ្ជាប់មកជាមួយ Caption ថា «រូបភាពដែលគ្រប់គ្នាប្រាថ្នា តែដឹងអត់ថា ឌៀប សុហ្វៀរ៉ា បានធ្វើឱ្យបេះដូងបុរសបីនាក់ឈឺឡើងសុះ» ។

តាមរយៈរូបភាពស្និទ្ធស្នាលរបស់អ្នកទាំងពីរបានធ្វើឱ្យអ្នកគាំទ្ររបស់ Meezyដែលជានារីៗ បានសម្ដែងនូវការខកចិត្តដែលបានឃើញ Meezy ស្និទ្ធស្នាលជាមួយ ឌៀប សុហ្វៀរ៉ា បែបនេះ ខណៈពួកគេបានចូលទៅបញ្ចេញមតិនៅក្នុងផុសនោះ ដោយបានសរសេររៀបរាប់ពីអារម្មណ៍ហាក់ធ្លាប់មានកូនចិត្តលួចស្រលាញ់ Idol របស់ខ្លួន បើទោះបីជាយ៉ាងនេះក្ដីក៏នៅមានអ្នកគាំទ្រមួយចំនួនបានលើកឡើងនិងសេសើរថាពួកគេទាំងពិតជាសាកសមជាមួយគ្នាណាស់ ។

សូមរំឭកផងដែរថា តារាចម្រៀង Meezy និងបវរកញ្ញាវ័យក្មេង ឌៀប សុហ្វៀរ៉ា ត្រូវបានអ្នកគាំទ្រដាក់ការសង្ស័យថាពួកគេទាំងពីរអាចនឹងកំពុងមានទំនាក់ទំនងស្នេហាជាមួយគ្នា ក្រោយអ្នកគាំទ្រចាប់បានពួកគេទាំងពីរតែងតែ Repost វីដេអូគ្នាទៅវិញទៅមកក្នុង TikTok ជុំវិញរឿងនេះគេក៏មិនទាន់ច្បាស់១០០%ដែរ ថាអ្នកទាំងពីរកំពុងមានទំនាក់ទំនងស្នេហាឬក៏អត់នោះ ហើយចំពោះរូបភាពស្និទ្ធស្នាលផ្អែមល្ហែមខាងលើនេះអាចគ្រាន់តែជាឈុតមួយនៃការថត MV ថ្មីរបស់ Meezy ក៏ថាបាន ៕