ដួង ម៉ានិច ធ្វើឲ្យអ្នកចូលរួមកម្មវិធីមង្គលការភ្ញាក់ផ្អើលខ្លាំង ក្រោយនាងរំឭកក្បាច់រាំចាស់ដែលធ្លាប់ល្បីខ្លាំង

កាលពីថ្ងៃទី២២ ខែមេសា ឆ្នាំ២០២៤ ម្សិលមិញនេះ តារាស្រីសិចស៊ី ដួង ម៉ានិច្ច បានរៀបចំពិធីមង្គលការក្នុងក្តីស្រមៃរបស់នាងបានសម្រេចដូចបំណងហើយ ជាមួយកូនកំលោះ វ៉ន លីពុទ្ធិឆាត ដោយដឹកដៃគ្នាដើរលើកម្រាលព្រំពណ៌សនៅមាត់ឆ្នេរ អមជាមួយបរិយាកាសបែបរ៉ូមែនទិកនិងផ្កាយ៉ាងស្រស់ស្អាត។

ក្នុងនោះដែរក៏បានឃើញវត្តមានរបស់អ្នកសិល្បៈ និងអ្នកផលិតមាតិកា( Content Creator)ព្រមទាំងមានបុគ្គលល្បីៗនៅលើ social media ជាច្រើនបានចូលរួមក្នុងពិធីមង្គលការរបស់ ដួង ម៉ានិច្ច និងលោក វ៉ន លីពុទ្ធិឆាត ដោយម្នាក់ៗបានតុបតែងខ្លួនស្អាតប្លែក ដើម្បីឲ្យស៊ីជាមួយបរិយាកាសបែបមាត់សមុទ្រផងដែរ។

ជាមួយគ្នានោះតារាស្រីសិចស៊ី ដួង ម៉ានិច្ច បានធ្វើឲ្យអ្នកចូលរួមក្នុងពិធីមង្គលការភ្ញាក់ផ្អើលខ្លាំង និងស្រែកហូរពេញកម្មវិធី ដោយនាងបានរំឭកក្បាច់រាំចាស់ដែលធ្លាប់ល្បីខ្លាំងកាលពីអំឡុងប៉ុន្មានឆ្នាំមុន ជាមួយឈុតសំម្លៀកបំពាក់ដដែល នៅលើឆាកនៃពិធីមង្គលការរបស់នាងជាមួយកូនកំលោះ វ៉ន លីពុទ្ធិឆាត ។

គួរបញ្ជាក់ដែរថា នៅក្នុងពិធីមង្គលការរបស់តារាសម្តែង ដួង ម៉ានិច្ច និង វ៉ន លីពុទ្ធិឆាត គឺមិនមានទទួលទានគ្រឿងស្រវឹងនោះទេ បើទោះបីជាយ៉ាងនេះក្ដីក៏អ្នកចូលរួមមានភាពសប្បាយរីករាយ ប្រកបដោយស្នាមញញឹម និងអបអរចំពោះគូស្វាមីភរិយាថ្មីមួយគូនេះដែរ៕

Video Cr ៖ KhemraA-ខេមរា