គាំទ្រទេបងប្អូន ? ពាក់មី ចង់ប្រកួតបាល់ទាត់មិត្តភាពក្រោមប្រធានបទ លុបបំបាត់ការជួញដូរសាច់ឆ្កែ

កាលពីយប់ថ្ងៃទី២៤ ខែតុលា ឆ្នាំ២០២៤ តារាកំប្លែងដែលមានប្រជាប្រិយភាពនាយ ពាក់មី បានបង្ហោះសារបង្ហើបពីដំណឹងចង់ប្រកួតបាល់ទាត់មិត្តភាព ជាថ្មីម្ដងទៀតជាមួយក្រុមបាត់ទាត់ ក្រុមផាន់រ៉ុង ក្រោមប្រធានបទ លុបបំបាត់ការជួញដូរសាច់ឆ្កែ ។

ក្នុងនោះដែរនាយ ពាក់មី បានលើកឡើងនិងចោទជាសំណួរថា តើបងប្អូនគាំទ្រដែរទេ បើមានការប្រកួតបាល់ទាត់មិត្តភាពក្រោមប្រធានបទ ( លុបបំបាត់ការជួញដូរសាច់ឆ្កែ ) រវាងក្រុម ផ្ការីកគ្រប់រដូវ និង ក្រុមផាន់រ៉ុង VLOGGER ALL STARS ។

តាមរយៈការលើកឡើងពីបំណង ដែលចង់មានការប្រកួតបាល់ទាត់មិត្តភាពរវាងក្រុមផ្ការីកគ្រប់រដូវ និង ក្រុមផាន់រ៉ុង នេះទទួលបានការគាំទ្រជាច្រើនពីសំណាក់មហាជន ដោយមានការលើកឡើងថា ទឹកភ្នែកស្រក់ពេលឃើញវិឌីអូមួយនេះ ជាអ្នកស្រលាញ់សត្វមួយរូប ខ្ញុំមិនគ្រាំទ្រនិងការជួញដូរសត្វឆ្កែលក់ធ្វើជាម្ហូបអាហារឡើយ ពួកគេត្រូវការសេរីភាពនិងការមើលថែពីពួកយើង និងមានមតិមួយទៀតបានលើកឡើងថា ឆ្កែជាសត្វដែលស្មោះត្រង់នឹងម្ចាស់ណាស់ សូមកុំបរិភោគអី សូមបញ្ឈប់ការជួញដូរសត្វឆ្កែនេះទៅ ៕