ឈិន ម៉ានិច្ច កាន់ដៃជាមួយបុរសសង្ហារម្នាក់នេះ កាលពីយប់មិញសង្ស័យថាពួកគេអាចនឹងកំពុងមានទំនាក់ទំនងពិសេស

ម្ចាស់ពាន Cambodian Idol រដូវកាលទី២ កញ្ញា ឈិន ម៉ានិច្ច ក្រោយបានក្លាយជាម្ចាស់ពាននៃកម្មវិធីនេះហើយ នាងហាក់ទទួលបានប្រជាប្រិយភាពខ្លាំងក្រាស់ក្រែលដែរពីសំណាក់មហាជន ដោយតារាចម្រៀងស្រីរូបនេះប្រឹងប្រែងអភិវឌ្ឍខ្លួនធ្វើអ្វីដែលថ្មី និងបានចេញបានបទចម្រៀងពីរោះៗជាច្រើនសម្រាប់អ្នកគាំទ្រស្ដាប់កម្សាន្ត ។

យ៉ាងណាមិញក្រៅពីអាជីពជាតារាចម្រៀង ឈិន ម៉ានិច្ច ក៏នៅមានមុខរបររកស៊ីផ្ទាល់ខ្លួន ដែលទើបតែបើកហាងកាលពីអំឡុងខែកញ្ញា ឆ្នាំ២០២៤ ថ្មីៗកន្លងទៅ ហើយថែមជាម្ចាស់ផលិតផលមួយនៅក្នុងស្រុកមួយផងដែរ ។ ឈិន ម៉ានិច្ច ជោគជ័យទាំងក្នុងវិស័យសិល្បៈ និងការងាររកស៊ី ប៉ុន្តែគេសង្កេតឃើញថាតារាស្រីរូបនេះនៅមិនទាន់បើកបង្ហាញថាខ្លួនកំពុងមានទំនាក់ទំនងស្នេហាជាមួយបរុសណាម្នាក់នៅឡើយទេ ។

ទន្ទឹមគ្នានេះស្រាប់តែនៅព្រឹកថ្ងៃទី០៥ ខែវិច្ឆកា ឆ្នាំ២០២៤ ឈិន ម៉ានិច្ច បានបង្ហោះរូបភាពមួយសន្លឹកដែលចូលរួមក្នុងពិធីមង្គលការរបស់ សុភ័ក្រ កុសុម៉ា ដោយមានបុរសសង្ហារម្នាក់ឈរជិតនាងហើយថែមបានដៃគ្នាយ៉ាងស្និទ្ធស្នាលទៀត ទំនងជាពួកគេទាំងពីរអាចនឹងកំពុងតែមានទំនាក់ទំនងពិសេសជាមួយគ្នាហើយ ក្នុងដែរ ឈិន ម៉ានិច្ច បានភ្ជាប់មកជាមួយ Caption ថា «ជីវិតអ្នក អ្នកប្រើបែបណាក៏បានដែរ សូមឱ្យតែវាស្ថិតនៅក្នុងសេចក្ដីសុខ Congratulations jj »៕