លីវ ជីលី គាំទ្រពេញទំហឹង ក្រោយដឹងថា Kon Ant ចង់ចូលប្រកួតកម្មវិធី MUC 2025
កាលពីពេលថ្មីៗកន្លងទៅនេះអតីត Miss Supranational Cambodia 2023 កញ្ញា លីវ ជីលី បានបង្ហាញអំពីឆន្ទៈយ៉ាងពេញទំហឹង ក្រោយបានលេចឮដំណឹងថានាដការីឆ្នើមផ្នែករំបាំបុរាណកញ្ញា សុគា គីមលាង ហៅ កូន អាន បានប្រកាសថាខ្លួននឹងចូលរួមប្រកួតក្នុងកម្មវិធីសម្រស់ដ៏អស្ចារ្យ Miss universe Cambodia 2025 ។
ក្នុងនោះដែរ កញ្ញា លីវ ជីលី បានបង្ហោះរូបភាពមួយសន្លឹកជាមួយ កញ្ញា សុគា គីមលាង ក្នុងឈុតអប្សរានិងបានភ្ជាប់មកជាមួយ Caption ដែលរៀបរាប់យ៉ាងរំភើបចិត្តថា «បងទើបថតចប់ ស្រាប់ឃើញអូន Kon Ant ចង់ចូលប្រកួតកម្មវិធីMUCអូយពិតជារំភើប បងគាំទ្រពេញទំហឹងណាបេះដូងបង »។
ពិតណាស់បន្ទាប់ពីនាដការីរំបាំបុរាណកញ្ញា សុគា គីមលាង បានប្រកាសថាខ្លួននឹងចូលរួមប្រកួតកម្មវិធីសម្រស់ដ៏អស្ចារ្យ Miss universe Cambodia 2025 ហើយនោះ នាងហាក់ទទួលបានការគាំទ្រខ្លាំងពីសំណាក់មហាជនអ្នកគាំទ្រវិស័័យបវរកញ្ញា ក៏ដូចជាមិត្តក្នុងសិល្បៈផងដែរ ទាំងនេះគឺជាកម្លាំងចិត្តមួយផ្នែកធំដែលជួយលើកទឹកចិត្តឱ្យ Kon Ant កាន់តែមានទំនុកចិត្តនិងប្ដេជ្ញាយកជ័យជំនះ ដើម្បីដំណាំងឱ្យកម្ពុជាទៅប្រកួតនៅលើឆាកអន្តរជាតិ ៕
