ពេជ្រ សោភា ទទួលបានការចាប់អារម្មណ៍ខ្លាំង ក្រោយឱ្យសត្វស្វាអង្គុយលើខ្លួន ខណៈកំពុងជ្រកភ្លៀង

កាលពីថ្ងៃទី ២៨ ខែវិច្ឆិកា ឆ្នាំ២០២៤ ម្សិលមិញកំពូលតារាចម្រៀងស្រីនៅផលិតហង្សមាសកញ្ញា ពេជ្រ សោភា ហាក់ទទួលបានការចាប់អារម្មណ៍ខ្លាំងពីសំណាក់មហាជនអ្នកនិយមលេងនៅបណ្ដាញសង្គម Facebook បន្ទាប់ពីតារាចម្រៀងរូបនេះបានបង្ហោះវីដេអូមួយពីសកម្មភាពដែលកំពុងជ្រកភ្លៀង ហើយស្រាប់តែមានសត្វស្វាញីមួយក្បាលដែលកំពុងឱបកូនជាប់ទ្រូងនោះ ឡើងមកអង្គុយលើនាង ដោយស្លូតបូតនិងមិនបានបង្កគ្រោះថ្នាក់អ្វីលើនាងនោះឡើង ។

ពិតណាស់វីដេអូខាងលើនេះដែលបង្ហោះដោយកញ្ញា ពេជ្រ សោភា មានអ្នកទស្សនារហូតដល់ 1.9M ខណៈបង្ហោះមិនដល់ ២៤ម៉ោងផង ក្នុងនោះដែរក៏មានមហាជនមួយចំនួនបានចូលទៅ Comment ក្នុងវិដេអូនោះ ដោយអ្នកខ្លះបានលើកឡើងថា «កម្រណាស់ ស្វាញី ចូលចិត្តមនុស្សស្រី » និងមានសំណួរជាច្រើនទៀតបានសួរទៅកាន់នាង ថាតើមានអារម្មណ៍ខ្លាចដែរទេ ពេលដែលស្វាងអង្គុយលើនោះ ងាកមក ពេជ្រ សោភា វិញបានឆ្លើយតបទៅអ្នកគាំទ្រវិញថា នាងមិនមានអារម្មណ៍ខ្លាចនោះទេ ប៉ុន្តែព្រមឱ្យសត្វស្វានោះអង្គុយបានតាមចិត្ត និងបានបន្តទៀតថា ស្វានោះមិនត្រឹមតែមិនខ្លាចនាងនោះទេ ហើយថែមទាំងបានថើមនាងថែមទៀត ។

លើកពីនោះ ពេជ្រ សោភា ក៏បានបង្ហើបពីដំណឹងតៀមចេញ MV បទថ្មីរបស់ខ្លួននៅខែធ្នូខាងមុខនេះផងដែរ ខណៈនៅលើ Caption នៃវីដេអូដែលបាននាងបង្ហោះនោះបានរៀបរាប់ថា ឱ្យមើលឈុតក្រៅបទចម្រៀងមុន ខែ១២ ឆ្នាំ២០២៤ ៕