មិនសរសើរមិនបាន ! ជី ដេវីត រវល់រកតែពេលគេងគ្មាន ប៉ុន្តែនៅឆ្លៀតធ្វើរឿងមួយនេះបានទៀត…

សិល្ប៖ ថ្មីៗនេះបានឃើញលោក ជី ដេវីត Add Story រូបភាពមួយសន្លឹកនៅក្នុងគណនី Facebook របស់លោកដោយដាក់ Caption ថា “ First day in school ” ស្រាប់តែមានអ្នកគាំទ្រនាំគ្នាចូលទៅ Comment សួរព្រាតថា Idol រៀននៅសាលាណា ខណៈពេលនោះក៏មានអ្នកដែលរៀននៅសាលាជាមួយលោក ជី ដេវីត បានឆ្លើយតបជំនួស Idol ថា “ គាត់មកសិក្សាថ្នាក់ភាសាសំស្ក្រឹតមូលដ្ឋាន នៅសាលាព្រះសុរាម្រិត ”។

យ៉ាងណាមិញមួយរយៈចុងក្រោយនេះ សង្កេតឃើញថាតារាចម្រៀងរ៉េបដ៏ល្បីឈ្មោះលោក ជី ដេវីត ពិតជាមមាញឹកជាខ្លាំង ជាមួយការងារសិល្បៈរបស់លោក ដូចជា ច្រៀងនៅតាមការប្រគុំតន្ក្រីនានា ថតស្ពតពាណិជ្ជកម្ម ហើយលោកក៏តែងតែមាន បទចម្រៀងថ្មីៗចេញជូនអ្នកគាំទ្រស្ដាប់កម្សាន្តជាបន្តបន្ទាប់គ្នាផងដែរ មិនតែប៉ុណ្ណោះទេ តារាចម្រៀងរ៉េបរូបនេះក៏នៅមានបន្ថែមជាមួយរបររកស៊ីរបស់ខ្លួន ការលក់អាវ និងរបស់ផ្សេងៗទៀតតាមរយៈអនឡាញ ហើយលោកក៏ទទួលបានការគាំទ្រយ៉ាងច្រើនផងដែរពីសំណាក់មហាជន ។

ជាមួយគ្នានេះលោក ជី ដេវីត ក៏ធ្លាប់បានទម្លាយនូវអារម្មណ៍រីករាយ និងមានមោទកភាពចំពោះខ្លួនលោកយ៉ាងខ្លាំង ព្រោះថានៅក្នុងឆ្នាំ ២០២៣ នេះលោកបានសម្រេចបំណងប្រាថ្នា និងជោគជ័យលើការងារជាច្រើននៅក្នុងឆ្នាំនេះ ដែលលោកធ្លាប់តែគិតទុក ព្រមទាំងមានក្ដីស្រមៃបែបនេះកាលពី ១២ ឆ្នាំមុនមកម្ល៉េះ ។