ផ្អើលអ្នកគាំទ្រក្រោយ ចន សុទីម៉ា ឈ្នះមកុដ Miss Universe Cambodia 2023 កាលពីយប់មិញ (មានវីដេអូ )

សិល្ប៖ ការប្រកួត Miss Universe Cambodia 2023 បានឈានមកដល់វគ្គផ្ដាច់ព្រ័ត្រនៅរាត្រីថ្ងៃទី ០៧ ខែ កញ្ញា ឆ្នាំ ២០២៣ ហើយក៏បានរកឃើញបវរកញ្ញាដែលបានគ្រងមកុដ ទៅលើស្រីស្អាតដែលមានទាំងសម្រស់ ចំណេះដឹង និងសមត្ថភាព កញ្ញា ចន សុទីម៉ា ។

ខណៈដែលក្ដោបបានតំណែងជាម្ចាស់មកុដ Miss Universe Cambodia 2023 នេះ ចន សុទីម៉ា បានធ្វើឲ្យទស្សនិកជន ជាពិសេសអ្នកគាំទ្រវិស័យបវរកញ្ញា បានពេញចិត្តយ៉ាងខ្លាំងជាមួយលទ្ធផលនេះ ព្រោះនាងគឺពិតជាស័ក្កិសម និងមានសមត្ថភាព គ្រប់គ្រាន់ ដែលអាចតំណាងឲ្យកម្ពុជាទៅប្រកួតនៅលើឆាកអន្តរជាតិ ។

គួរបញ្ជាក់ផងដែរថា ចន សុទីម៉ា គឺជាបេក្ខនារីមួយដែលមានការតស៊ូខ្ពស់ និងមិនបោះបង់ក្ដីស្រម៉ៃនោះទេ ដោយនាងធ្លាប់បានចូលរួមប្រកួតបវរកញ្ញាជាច្រើនឆ្នាំមកហើយ បើទោះបីជាមិនទទួលបានមកុដ ក៏ដោយប៉ុន្តែនាងក៏ទទួលបាននូវលទ្ធផលមួយដែលល្អផងដែរ ជាក់ស្ដែកនៅឆ្នាំ ២០២៣ នេះ គឺនាងបានសម្រេចនូវក្តីស្រម៉ៃរបស់ខ្លួនហើយ ដោយបានឈ្នះមកុដ Miss Universe Cambodia 2023 ៕