ជា វណ្ណារិទ្ធ សរសើរឆន្ទៈ G-Devith ទោះជួបព្យុះភ្លៀងច្រើនប៉ុណ្ណាក៏នៅតែមិនបោះបង់
សិល្ប៖ ពិធីករ និងជាតារាសម្ដែងលោក ជា វណ្ណារិទ្ធ បានចេញមកសរសើរ ចំពោះទឹកចិត្ត និងឆន្ទៈរបស់តារារ៉េប G-Devith ក្រោយបានឆ្លងកាត់ព្យុះភ្លៀងជាច្រើនពិតមែន ប៉ុន្តែមិនបោះបង់ក្តីស្រមៃរបស់ខ្លួន ។
ជាមួយគ្នានោះ លោក ជា វណ្ណារិទ្ធ ក៏បានចាត់ទុកថាតារាចម្រៀងរ៉េប G-Devith គឺជាតារាខ្មែរមួយរូបដែលជួបរឿងរ៉ាវច្រើនជាងគេ ប៉ុន្តែលោកនៅតែស៊ូ និងជំនះរាល់បញ្ហាទាំងនោះ មិនបោះបង់ដើម្បីសម្រេចក្តីស្រមៃ និងដើរតាមឆន្ទៈខ្លួនឯង លោក ជា វណ្ណារិទ្ធ ក៏បានបន្តទៀតថាបើទោះបីជាយ៉ាងណាក៏ ដេវីត នៅតែតស៊ូជម្នះដើម្បីក្តីស្រមៃគ្រួសារ និងអ្នកគាំទ្រមិនមែនគាត់មិនចេះឈឺ មិនចេះយំទេ តែគាត់សុខចិត្តលាក់ទុកក្នុងចិត្តហើយមកបន្ធូរអារម្មណ៍តាមបទចម្រៀង សូមកោតសរសើរដោយស្មោះ ២១ បទមិនមែនធម្មតាទេ You are the Best ។
គួររំឮកថា តារារ៉េប G-Devith បានបង្ហាញវត្តមានច្រៀង និងសម្តែងនៅលើឆាកនៃកម្មវិធីដ៏ធំមួយនៅទីធ្លាOCICក្នុងទឹកដីខណ្ឌជ្រោចង្វារដែលមានអ្នកគាំទ្រជាច្រើនចូលរួមទស្សនាចាប់ពីវេលាម៉ោង ២រសៀលរហូតដល់ម៉ោង ១២យប់កាលពីថ្ងៃទី១២ ខែវិច្ឆិកា ឆ្នាំ២០២៣ កន្លងទៅ ៕
