WOW! ថៃ រៀបចំការប្រកួតប្រដាល់ជាប្រវត្តិសាស្រ្ត រវាង Buakaw និង Pacquiao
នាយកប្រតិបត្តិ Fresh Air Festival គ្រោងនិងរៀបចំព្រឹត្តិការណ៍កីឡាដ៏សំខាន់មួយទៀត នៅក្នុងប្រទេសថៃ ពោលគឺការប្រកួតប្រដាល់រវាងកីឡាករថៃ Buakaw Banchamek និងស្តេចប្រដាល់ហ្វីលីពីន Manny Pacquiao ហើយសម្រាប់សន្និសីទសារព័ត៌មានដើម្បីប្រកាសអំពីព្រឹត្តិការណ៍នេះ និងការចុះហត្ថលេខាលើកិច្ចសន្យាផ្លូវការ គឺគ្រោងធ្វើនៅថ្ងៃទី២១ ខែកក្កដា ឆ្នាំ២០២៣ ខាងមុខនេះ។
បើយោងតាមការបង្ហោះលើ Facebook ដោយអ្នកសរសេរព័ត៌មានកីឡាដ៏ល្បីឈ្មោះមួយរូបរបស់ថៃ បានឲ្យដឹងថា៖ លោក Vinij Lertratanachai នាយកប្រតិបត្តិក្រុមហ៊ុន Fresh Air កំពុងរៀបចំព្រឹត្តិការណ៍កីឡាអន្តរជាតិដ៏អស្ចារ្យដែលមានឈ្មោះថា “The Match 3” Buakaw និងឡើងសង្វៀនប្រដាល់ ប្រកួតជាមួយ Manny Pacquiao ដែលជាអតីតម្ចាស់ខ្សែក្រវាត់ប្រដាល់ពិភពលោក ក្នុងប្រភេទទម្ងន់ជាច្រើន។
![](https://space365.sgp1.digitaloceanspaces.com/2023/07/15151755/55-1.jpg)
គួរបញ្ជាក់ផងដែរថា៖ ការប្រកួតរវាលកីឡាករថៃ Buakaw Banchamek និងស្តេចប្រដាល់ហ្វីលីពីន Manny Pacquiao និងធ្វើឡើងនៅខែមករា ឆ្នាំ២០២៤ ក្នុងប្រទេសថៃ ចំណែកសន្និសីទសារព័ត៌មាន និងការចុះកិច្ចសន្យាជាផ្លូវការ និងធ្វើឡើងនៅសប្តាហ៍ក្រោយក្នុងអគារពាណិជ្ជកម្ម Icon Siam វេលាម៉ោង៤រសៀល ហើយ Pacquiao ក៏និងមានវត្តមានក្នុងសន្និសីទកាសែតដែរ ហើយទីកន្លែងប្រកួតនិងត្រូវបង្ហាញនៅថ្ងៃនោះតែម្តង៕