ល្ងាចនេះ ! នឹងមានការបា.ញ់កាំជ្រួចនៅមុខព្រះបរមរាជវាំង ដើម្បីអបអរសាទរខួប ៧០ឆ្នាំនៃទំនាក់ទំនងកម្ពុជា-ជប៉ុន
នៅល្ងាចថ្ងៃទី១៩ ខែវិច្ឆិកា នេះ កម្ពុជា-ជប៉ុន នឹងរៀបចំពិធីអបអរសាទរខួបលើកទី៧០ឆ្នាំនៃទំនាក់ទំនងរវាងកម្ពុជា-ជប៉ុនដែល នឹងរៀបចំឡើងនៅមាត់ទន្លេជិត ព្រះបរមរាជវាំង ក្រោមកិច្ចសហការ រវាងសមាគមជប៉ុនកម្ពុជា JCAជាមួយរដ្ឋបាលរាជធានីភ្នំពេញ ។
ការរៀបចំពិធីអបអរសាទរខួបលើកទី៧០ឆ្នាំនៃទំនាក់ទំនងរវាងកម្ពុជានិងជប៉ុននេះ ក្នុងគោលបំណងពង្រឹងកិច្ចសហប្រតិបត្តិការនិងរឹតចំណងសាមគ្គីភាព ឱ្យកាន់តែល្អប្រសើរឡើងបន្ថែមទៀតរវាងប្រទេសទាំងពីរ ។
ក្នុងពិធីនេះដែរ មានទាំងការបាញ់កាំជ្រួច ការសម្ដែងសិល្បៈដែលបង្ហាញពីវប្បធម៌ អរិយធម៌របស់ប្រទេសជប៉ុន និងកម្មវិធីផ្សេងៗទៀតដោយចាប់ផ្ដើមពីវេលាម៉ោង ៧: ០០ ដល់ម៉ោង ៨ : ១០ នាទីយប់ ៕
