ស្នងការដ្ឋាននគរបាលខេត្តកំពតទទួលបានការគាំទ្រយ៉ាងពេញទំហឹង ក្រោយដាក់ស្លាកសញ្ញាកំណត់ល្បឿននៅតាមផ្លូវ
កាលពីថ្ងៃទី ១៨ ខែ កុម្ភៈ ឆ្នាំ ២០២៤ ស្នងការដ្ឋានគរបាលខេត្តកំពត បង្ហោះសារនៅលើផេកផ្លូការ ដោយបានរៀបរាប់ថា«ល្មមមើលឃើញទេបាទ នៅថ្ងៃទី 18.02.24 ស្លាកសញ្ញាកំណត់ល្បឿនបានយកទៅចាប់នៅតាមគោលដៅដែលបានកំណត់នៅពេលតម្លើងរួចខ្ញុំ និងប្រាប់អំពីគោលដៅទាំងបីស្លាក ដែលបានតម្លើងក្នុងភូមិសាស្ត្រនីមួយៗ»។
ក្នុងនោះស្នងការរដ្ឋានបានលើកឡើងទៀតថា«នៅពេលចុះបាញ់ល្បឿនប្រសិន បើមន្ត្រីចរាចរណ៍របស់ខ្ញុំណាម្នាក់លបលួចបាញ់ល្បឿនពីក្នុងឡានពីក្នុងកម្ពោធព្រៃខុសពីគោលការណ៍ណែនាំរបស់ខ្ញុំ សូមថតឱ្យបាន ខ្ញុំនឹងអនុវត្តវិន័យកងកម្លាំងនគរបាលជាតិ ចំពោះបុគ្គលដែលប្រព្រឹត្តខុស» ។
ចំពោះគោលដៅ និងទីតាំងដេលបានតម្លើងស្លាកកំណត់ល្បឿនលើផ្លូវជាតិលេខ ៣ ពីភ្នំពេញរួមមាន ៣ គោលដៅ ៖
១. គោលដៅទី ០១ (ចន្លោះបង្គោលគីឡូម៉ែត្រលេខ 98-99) ស្ថិតក្នុងភូមិពស់ពង ឃុំនរាយណ៍ ស្រុកឈូក ខេត្តកំពត ។
២. គោលដៅទី ០២ (ចន្លោះបង្គោលគីឡូម៉ែ្រតលេខ 116-117) ស្ថិតក្នុងភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត ។
៣. គោលដៅទី ០៣ (ចន្លោះបង្គោលគីឡូម៉ែត្រលេខ 132-133) ស្ថិតក្នុង ភូមិព្រៃថ្នង ឃុំព្រៃថ្នង ស្រុកទឹកឈូ ខេត្តកំពត ។ នៅពេលអនុវត្តគឺមិនអនុវត្តទាំងបីគោលដៅព្រមគ្នានោះទេបាទ គឺយើងខ្ញុំនិងបែងចែកវេនគ្នាដើម្បីចុះអនុវត្ត សូមបងប្អូនទាំងអស់ជ្រាបជាព័ត៌មាន ។
បន្ទាប់ពីបានឃើញស្នងការខេត្តកំពតបង្ហោះសារអមជាមួយរូបថតកំណត់ល្បឿនហើយនោះ ក៏ត្រូវបានអ្នកលេងនៅលើបណ្តាញសង្គមបានសម្ដែងនូវក្ដីរីករាយ ព្រមទាំងគាំទ្រយ៉ាងពេញទំហឹងចំពោះស្នងការខេត្តកំពត និងចង់ឃើញនៅតាមបណ្តាខេត្តនានាយកគំរូតាមខេត្តកំពតផងដែរ ៕
ប្រភព ៖ ស្នងការដ្ឋានគរបាលខេត្តកំពត
