ក្រោយកូនស្រីបានត្រឹមមេដាយប្រាក់ ឪពុក ខាន់ ចេសាបាននិយាយបែបនេះ
គួរឲ្យសោកស្តាយ កីឡាការិនី ខាន់ ចេសា ទទួលបានត្រឹមមេដាយប្រាក់ប៉ុណ្ណោះ បន្ទាប់ពីប្រកួតចាញ់កីឡាការិនី ហ្វីលីពីន លើវិញ្ញាសាជូជីតស៊ូ ទម្ងន់៥២kg។ ក្រោយចាញ់ការប្រកួតនេះ ទាំងអ្នកគាំទ្រ ទាំងសាមីខ្លួន មានភាពសោកសៅជាខ្លាំងថែមទាំងសម្រក់ទឹកភ្នែកចំពោះមុខអ្នកកាសែតទៀតផង។
យ៉ាងណាមិញ ឪពុករបស់ ខាន់ ចេសាបាននិយាយថា៖ ជាការពិតណាស់ វាគឺជាការខកចិត្ត ប៉ុន្តែមើលទៅមនុស្សជាច្រើនបានមកគាំទ្រកូនស្រីរបស់ខ្ញុំ។ យើងមានការប្រកួតមួយទៀតនៅថ្ងៃអាទិត្យ ទី០៧ ហើយពួកយើងនៅតែមានក្តីរំពឹងដដែល រីឯ ខាន់ ចេសា នឹងឈ្នះមេដាយមាស ខ្ញុំរំពឹងនាងនឹងធ្វើបានមេដាយមាសនៅថ្ងៃអាទិត្យ។ សារទៅកាន់ប្រជាជនកម្ពុជា ខ្ញុំពិតជាមានមោទនភាពជាខ្មែរ សង្ឃឹមថាអ្នកទាំងអស់គ្នាបន្តគាំទ្រអត្តពលិកទាំងអស់មិនមែនតែកូនស្រីខ្ញុំ គឺកីឡាផ្សេងទៀត។
គួរបញ្ជាក់ថា កីឡាការិនីកម្ពុជា ខាន់ ចេសាបានយកឈ្នះ កីឡាការិនី Yong Mai (សឹង្ហបុរី) កីឡាការិនី Dang Thi Huyen(វៀតណាម) និង កីឡាការិនី Nuchanat Singchalad(ថៃ) ចុងក្រោយចាញ់កីឡាការិនីហ្វីលីពិន Napolis Jennakaila ដោយពិន្ទុ៕