ស្នងការដ្ឋាន ន.ប ខេត្តព្រះសីហនុបានយកជើងឯកលេខ ១នៃមណ្ឌលព្រះសីហនុក្នុងពានរង្វាន់ ៤x៤
ជើងឯកពាន៤ស្មើ Wurkz Special Volleyball Cup 4×4 2024 នៅភូមិភាគទី៥ ដែលជាមណ្ឌលចុងក្រោយគេបង្អស់បានរកឃើញហើយ គឺក្លិបបាល់ទះ ស្នងការដ្ឋាន ន.ប ខេត្តព្រះសីហនុក្រោយឈ្នះក្លិបបាល់ទះបុរីឈ្នះឈ្នះនៅវគ្គផ្ដាច់ព្រ័ត្រ ២សិតទល់ ០ទទួលបានពាន ១និងប្រាក់រង្វាន់១១លានរៀល។
ជាការពិតណាស់ក្ក្លិបបាល់ទះស្នងការដ្ឋាន ន.ប ខេត្តព្រះសីហនុ បានឡើងទៅម្ចាស់ជ័យលាភីលេខ ១ពួកគេនឹងមាន visa សម្រាប់ធ្វើការប្រកួតនៅរាជធានីភ្នំពេញដែលគ្រោងនឹងរៀបចំនៅថ្ងៃទី ២២-២៨ ខែមេសា ឆ្នាំ២០២៤ ដែលជាវគ្គផ្ដាច់ព្រ័ត្រនាពេលខាងមុខនេះ ដោយក្នុងនោះផងដែលស្នងការដ្ឋាន ន.ប ខេត្តព្រះសីហនុក៏មានវត្តមានស្មាត់ យន់, ស្មាត់ វិចិត្រ,ស្មាត់ រាជនិងទូចអង្គរក្សផងដែលបានជួយក្លិបរបស់ខ្លួនទទួលបានជ័យជម្នះមួយនេះ។
កម្មវិធីប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 មណ្ឌលព្រះសីហនុ នៅតារាងក្លិបកីឡាបាល់ទះ ឯករាជ្យបានបញ្ចប់ទៅដោយជោគជ័យដោយមានក្រុមដូចជា៖
គួរបញ្ជាក់ថាក្រោយបញ្ចប់ការប្រកួតទាំង ៥ភូមិភាគ ម្ចាស់ជ័យលាភីដែលទទួលបានលេខ១ និងលេខ២ មានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រគ្រោងនឹងរៀបចំនៅថ្ងៃទី ២២ ដល់ថ្ងៃទី ២៨ ខែមេសា ឆ្នាំ២០២៤។ សម្រាប់មណ្ឌលរាជធានីភ្នំពេញ នឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងព្រឹត្តិការណ៍ តេជោលីគ ត្រូវឈរជើងចាំ ចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥។