ទទួលបានការគាំទ្រយ៉ាងពេញទំហឹងក្រោយ សារ៉ាយ សក្ខណា បង្ហើបថានឹងចូលរួមប្រកួតក្នុងកម្មវិធីមួយនៅឆ្នាំក្រោយ

តារាសម្ដែងដែលមានប្រជាប្រិយភាពអ្នកនាង សារ៉ាយ សក្ខណា ក្រោយត្រឡប់មកពីបរទេស អ្នកនាងក៏បានប្រលូកក្នុងវិស័យសិល្បៈវិញយ៉ាងពេញទំហឹង ដោយបានទទួលថតសំអាងការ ថតផ្សព្វផ្សាយផលិតផលផ្សេងៗ ព្រមលេចមុខសម្ដែងនៅក្នុងខ្សែរភាពយន្តជាច្រើនផងដែរ ។

ខណៈនៅថ្មីៗនេះ​ អ្នកនាង សារ៉ាយ សក្ខណា បានធ្វើឲ្យអ្នកគាំទ្រផ្ទុះការចាប់អារម្មណ៍ ក្រោយអ្នកបានបង្ហើបពីបំណង នឹងចូលរួមប្រកួតក្នុងកម្មវិធីUniversal Woman នៅឆ្នាំក្រោយ ដោយបានបង្ហោះវីដេអូដើរម៉ូតនៅលើឆាកនៃកម្មវិធី Universal Woman ដែលកម្ពុជាធ្វើជាម្ចាស់ផ្ទះក្នុងវគ្គផ្ដាច់ព្រ័ត្រកាលពីថ្ងៃទី ២២ ខែមីនា ឆ្នាំ២០២៤ កន្លងទៅ ។

ជុំវិញការបង្ហើបពីដំណឹង នឹងចូលរួមប្រកួតរបស់តារាសម្ដែងស្រីរូបនេះដែរ ត្រូវបានអ្នកគាំទ្រជាច្រើនរង់ចាំ គាំទ្រយ៉ាងពេញទំហឹង ប៉ុន្តែនៅមិនទាន់ច្បាស់១០០ភាគរយ នៅឡើយទេថាអ្នកនាង សារ៉ាយ សក្ខណា ពិតជាចូលរួមប្រកួតពិតមែនឬយ៉ាងណានោះ ៕