Fan Fan រំភើបគ្រប់គ្នាក្រោយបានឃើញ Idol ទាំងពីរចាប់ដៃស្វាគមន៍គ្នាជាមួយស្នាមញញឹមដ៏ស្រស់ស្អាត ក្នុងកម្មពិធីមង្គលរបស់ ហេង វិសាល និងស្រីនា កាលពីយប់មិញ

កាលពីយប់ថ្ងៃទី២៨ ខែមីនា ឆ្នាំ២០២៤ កន្លងទៅគឺជាថ្ងៃមង្គលការរបស់អ្នកផលិតមាតិកាល្បីឈ្មោះ ហេង វិសាល និង ជា ស្រីនា ដែលមានចូលរួមពីសំណាក់ភ្ញៀវកិត្តិយសទាំងក្មេងចាស់ ប្រុសស្រីជាច្រើន ជាពិសេសមានទាំងសិល្បករ សិល្បការិនីល្បីៗគ្រប់ជំនាន់ចូលរួមផងដែរ ។

ក្នុងនោះដែរ ក៏បានឃើញវត្តមានរបស់តារាចម្រៀងរ៉េប វណ្ណដា និង ជី ដេវីត ក៏បានចូលរួមក្នុងពិធីមង្គលការរបស់ ហេង វិសាល និង ជា ស្រីនា ដូចគ្នា ។

តែអ្វីដែលធ្វើឲ្យអ្នកគាំទ្រផ្ទុះចាប់អារម្មណ៍ខ្លាំងនោះគឺ បន្ទាប់ពីបានឃើញវីដេអូរបស់ តារាចម្រៀងរ៉េប វណ្ណដា និង ជី ដេវីត ដែលអ្នកគាំទ្រថតបាន និងបន្តចែកចាយនៅលើបណ្ដាញសង្គមទាំង Tiktok និង Facebook ដែលតារាចម្រៀងរ៉េបទាំងពីរបានឈរជជែកគ្នា និងចាប់ដៃគ្នាយ៉ាងស្និទ្ធស្នាល ដែលបានធ្វើឲ្យអ្នកគាំទ្ររបស់ តារាចម្រៀងរ៉េបទាំងពីរពិតជារំភើប និងញញឹមបិទមាត់មិនជិត ព្រោះទិដ្ឋភាពមួយនេះគឺអ្នកគាំទ្របានទន្ទឹងរង់ចាំជាយូរមកហើយ ជាបំផុតក៏បានឃើញបែបនេះហាក់បីដូចសុបិន។

លើសពីនោះទៀតអ្នកគាំទ្រក៏សង្ឃឹមថា បន្ទាប់ពី Idol ទាំងពីរបានបង្ហាញភាពស្និទ្ធស្នាលជាមួយគ្នាបែបនេះហើយ នឹងអាចមានអ្វីដែលកាន់តែពិសេស និងធ្វើឲ្យអ្នកគាំទ្រកាន់តែរំភើបថែមទៀត បើសិនជាតារាចម្រៀងរ៉េបទាំងពីរ បានចេញបទចម្រៀងដែលច្រៀងជាមួយគ្នានោះ៕