Barcelona ខកខានក្នុងការលក់ក្នុងតម្លៃថ្លៃ ខណៈ Philippe Coutinho បំពេញលក្ខខណ្ឌខ្ចីជើងទៅកាន់ Al Duhail

អតីតខ្សែបម្រើក្លិប Barcelona កីឡាករ Philippe Coutinho បានចាកចេញពីក្លិប Aston Villa ទៅចូលរួមជាមួយក្លិប Al Duhail នៃប្រទេសកាតា ក្នុងលក្ខខណ្ឌខ្ចីជើង។ Coutinho ត្រូវបានគេប្រាប់ឲ្យចាកចេញពី Villa Park ពេញមួយរដូវក្តៅ បន្ទាប់ពីឃើញតួនាទីក្រុមរបស់គាត់ត្រូវបានកាត់បន្ថយក្រោមការដឹកនាំរបស់លោក Unai Emery កាលពីរដូវកាលមុន។

កីឡាករអន្តរជាតិប្រេស៊ីលបានជ្រើសរើសត្រលប់ទៅ Premier League ក្នុងខែឧសភា ឆ្នាំ ២០២២ បន្ទាប់ពីខ្ចីជើងនៅ Villa ប៉ុន្តែការត្រលប់មកវិញរបស់គាត់នៅក្នុងបាល់ទាត់អង់គ្លេសមិនមែនជាបទពិសោធន៍វិជ្ជមាននោះទេ។ របួសបានដើរតួយ៉ាងសំខាន់ក្នុងការខ្វះសកម្មភាពប្រកួតរបស់ Coutinho ប៉ុន្តែ Emery នៅតែមិនជឿជាក់លើសមត្ថភាពរបស់អតីតខ្សែប្រយុទ្ធ La Blaugrana ក្នុងការប្រកួតនៅ Premier League ហើយបានជំរុញឲ្យមានការចាកចេញ។

ទោះបីជាយ៉ាងណាក៏ដោយ ជាមួយនឹងការផ្លាស់ប្តូររបស់គាត់ទៅ Al Duhai កំណត់ជាការផ្លាស់ប្តូរខ្ចីជើង ក្លិប Barcelona នឹងមិនទទួលបានការជំរុញផ្នែកហិរញ្ញវត្ថុណាមួយពីកិច្ចព្រមព្រៀងនេះទេ។ Barcelona មានសិទ្ធិទទួលបានការលក់ ៥០% ប្រសិនបើការលក់ Coutinho ពាក់ព័ន្ធនឹងតម្លៃលើសពី ១៨ លានអឺរ៉ូដែលពួកគេទទួលបានសម្រាប់គាត់កាលពីឆ្នាំមុន៕