Manchester United កំពុងតែពិចារណាក្នុងការលក់កីឡាករម្នាក់នេះហើយ
Marcus Rashford អាចនិងចាកចេញពីក្រុមបិសាចក្រហម Manchester United នៅរដូវក្តៅនេះហើយ ប្រសិនបើមានក្លិបណាមួយហ៊ានផ្តល់តម្លៃខ្លួនដែលពួកគេចង់បាន ។
នៅក្នុងរដូវកាល ២០២៣/២០២៤ Rashford មិនសូវបានបង្ហាញទម្រង់លេងបានល្អប៉ុន្មានទេ ដោយរូបគេបានបង្ហាញខ្លួន ៤៣ប្រកួតគ្រប់ការប្រកួតទាំងអស់ ហើយរកបានតែ ៨គ្រាប់តែប៉ុន្មាន ខណៈដែលក្រុម Man United ទទួលបានចំណាត់ថ្នាក់លេខ ៨ ក្នុងក្របខ័ណ្ឌ Premier League នោះមានន័យថា Man United មិនមានឈ្មោះក្នុងការលេងពានរង្វាន់ធំៗដូចជា UEFA Champions League , Europa League, និងពានរង្វាន់ Europa Conference League ។
ខ្សែប្រយុទ្ធវ័យ ២៦ឆ្នាំរូបនេះ ក៏មិនត្រូវបានគ្រូបង្វឹកក្រុមជម្រើសជាតិអង់គ្លេសលោក Gareth Southgate ជ្រើសរើសយកជាសមាជិកនៃក្រុមជម្រើសជាតិ ដែលមានសមាជិកបណ្ដោះអាសន្នចំនួន ៣៣រូប សម្រាប់ព្រឹត្តិការណ៍ជើងឯកអឺរ៉ុប UEFA Euro 2024 នោះទេ។
លោក Gareth Southgate បានលើកឡើងដោយត្រង់ៗថា៖ «ទាក់ទងនឹងរឿង Marcus ខ្ញុំមានអារម្មណ៍ថា កីឡាករផ្សេងៗទៀត ដែលស្ថិតនៅតួនាទីនេះ (តួនាទីខ្សែប្រយុទ្ធ) បង្ហាញទម្រង់លេងល្អជាង នៅក្នុងរដូវកាលនេះ។
ទោះជាមិនបានជាប់ជាសមាជិកបណ្ដោះអាសន្នក្ដី ក៏ Rashford បង្ហោះជូនពរក្រុមជម្រើសជាតិអង់គ្លេសនៅបណ្ដាញសង្គមរបស់ខ្លួនផងដែរ ។