Detail Top Banner – Summit Energy Inside

លោក Jose Mourinho នឹងត្រលប់មកពិភពបាល់ទាត់វិញ ក្រោយសម្រាករយៈពេលវែង

ចេញផ្សាយ ថ្ងៃទី 1 ខែ មិថុនា ឆ្នាំ 2024 3

អ្នកចាត់ការទូទៅសញ្ជាតិព័រទុយហ្គាល់លោក Jose Mourinho និងត្រលប់មកដឹកនាំក្រុមបាល់ទាត់វិញហើយ ក្រោយពីលោកបានចែកផ្លូវគ្នាជាមួយក្រុម Roma កាលពីដើមឆ្នាំ២០២៤ ពោលគឺខែមករាកន្លងទៅ។

មុនពេលចែកផ្លូវគ្នាជាមួយក្រុម Roma រូបលោកធ្លាប់បានដឹកនាំក្រុមនេះឈ្នះពានរង្វាន់ Europa Conference League ក្នុងឆ្នាំ ២០២១/២០២២ ។

យោងតាមសារព័ត៌មានជាច្រើនបានចុះផ្សាយថា រូបគាត់នឹងមកដឹកនាំក្រុមនៅឯប្រទេសទួរគី គឺក្រុម Fenerbahce។

អតីតអ្នកចាត់ការក្លឹបធំៗដូចជា Real Madrid, Chelsea និង Manchester United រូបនេះទំនងអាចនឹងចុះកុងត្រាជាមួយក្លឹបនេះរយះពេល ២ឆ្នាំ ទោះបីជាមានពាក្យចចាមអារ៉ាមជាច្រើន ថារូបគាត់អាចនឹងត្រលប់ទៅដឹកនាំក្រុមនៅអង់គ្លេសវិញក្ដី ។

គួរបញ្ជាក់ផងដែរថា ក្លឹប Fenerbahce ជាក្លឹបលំដាប់កំពូលមួយរបស់លីគកំពូលទួរគី ។ នៅក្នុងរដូវកាល ២០២៣/២៤ ក្លឹបមួយនេះរកបានរហូតដល់ទៅ ៩៩ពិន្ទុ និងចាញ់តែមួយប្រកួតប៉ុណ្ណោះ

តែនៅតែបរាជ័យមិនបានគ្រងចំណាត់ថ្នាក់លេខ ១ ខណៈក្លឹបគូប្រជែងរបស់ខ្លួនគឺ ក្លឹប Galatasaray លើកពានលីគកំពូលជាមួយនឹង ១០២ពិន្ទុ។