Chukwueze បានិយាយថា Osimhen Pioli និងអ្នកគាំទ្របានបញ្ចុះបញ្ចូលគាត់ឲ្យចូលរួមជាមួយ AC Milan

Samu Chukwueze សារភាពថាខ្សែប្រយុទ្ធរបស់ Napoli Victor Osimhen បានជួយបញ្ចុះបញ្ចូលគាត់ឲ្យផ្លាស់ទៅ AC Milan Chukwueze បានចាកចេញពី Villarreal ទៅ Milan នៅរដូវក្តៅ ហើយនិយាយថាគាត់បាននិយាយជាមួយមិត្តរួមក្រុមនីហ្សេរីយ៉ា Osimhen អំពីការលេងនៅអ៊ីតាលី។

គាត់បាននិយាយថា៖

“ខ្ញុំបាននិយាយជាមួយ Victor ដែលនៅអ៊ីតាលីពីរបីឆ្នាំ។ គាត់បានប្រាប់ខ្ញុំឲ្យមក ហើយថា Milan គឺជាក្លិបដ៏ល្អមួយ។
នៅក្នុងរដូវក្តៅនេះ អ្នកគាំទ្របានសរសេរមកខ្ញុំនៅគ្រប់ទីកន្លែង ‘Milan, Milan, Milan’។ នៅពេលដែលអ្នកគាំទ្រចង់បានអ្នកខ្លាំង នៅពេលដែលពួកគេនិយាយថាពួកគេត្រូវការអ្នក នោះអ្នកគិតអំពីវាយ៉ាងយកចិត្តទុកដាក់។ ពួកគេរីករាយណាស់ដែលបានឃើញខ្ញុំ។ អ្នកគាំទ្រចង់បានខ្ញុំ ប៉ុន្តែជាក់ស្តែងគ្រូបង្វឹកក៏សំខាន់ដែរ ដែលធ្វើឲ្យខ្ញុំយល់ថាខ្ញុំចង់បាន។ គ្រូបង្វឹកបានហៅខ្ញុំមកបញ្ចុះបញ្ចូលខ្ញុំ។ ពេលខ្ញុំមកដល់ ហើយមានអ្នកគាំទ្រនៅព្រលានយន្តហោះផងដែរ វាពិតជាអស្ចារ្យណាស់។ ពួកគេបានតាមខ្ញុំគ្រប់ទីកន្លែង នៅពេលដែលខ្ញុំត្រូវទៅពិនិត្យសុខភាព ពួកគេតែងតែនៅទីនោះសម្រាប់ខ្ញុំ”៕