កាន់តែល្អក់កករហើយ! Mason Greenwood ហ៊ាននិយាយបែបអំពី Man United ប្រាប់មិត្តខ្លួន
Mason Greenwood បានប្រាប់មិត្តភក្តិរបស់ខ្លួនថា រូបគេនឹងមិនលេងឱ្យ Manchester United ទៀតទេ នេះបើយោងតាមសារព័តមាន Reports ។
កីឡាករវ័យក្មេងរបស់បិសាចក្រហម ដែលត្រូវបានបញ្ចប់រឿងក្តីពីការចោទប្រកាន់ពីបទរំលោភ និងបំពានផ្លូវភេទកាលពីខែកុម្ភៈ ហើយគេត្រឡប់មកលេងបាល់ទាត់ម្តងទៀត ប៉ុន្តែហាក់មិនអាចមើលឃើញអនាគតនៅ Old Trafford ឡើយ។
ប្រភពជិតស្និទ្ធរបស់កីឡាករ វ័យក្មេងរូបនេះបានប្រាប់ The Sun ថា៖ Greenwood ជឿថា អាជីពរបស់គាត់បានបញ្ចប់ហើយនៅ United ។ គាត់ចង់ត្រលប់មកលេងបាល់ទាត់វិញ ប៉ុន្តែគាត់ដឹងថា ស្ថានភាពរបស់គាត់នៅពេលនេះ គឺស្មុគស្មាញណាស់។ គាត់ប្តេជ្ញាចិត្តថានឹងលេងបាល់ទាត់ម្ដងទៀត ប៉ុន្តែមិនគិតថាខ្លួនគាត់ នឹងពាក់អាវ Man United ម្ដងទៀតទេ។
គួរអោយដឹងថា Mason Greenwood ត្រូវបានក្លិប Manchester United ព្យួរជើងមិនអោយលេងដោយសារ រូបគេពាក់ព័ន្ធការចោទប្រកាន់ពីបទរំលោភនិងបំពានផ្លូវភេទ កាលពីខែកុម្ភៈ កន្លងទៅ៕