Luke Shaw កំពុងធ្វើអោយ Harry Maguire ភ័យហើយដោយសារហេតុផលមួយនេះ !
ដោយសារបញ្ហារបួសគួរបានធ្វើឱ្យប្រធានក្រុមបិសាចក្រហម Manchester United មិនអាចចូលរួមជាមួយក្រុមវិញបាន ប៉ុន្តែពេលនេះគាត់កំពុងប្រឈមមុខ ការដណ្តើមតំណែងតំបន់ការពារ ដោយពីខ្សែការពារឆ្វេង Luke Shaw ។
Harry Maguire ច្បាស់ជាមានអារម្មណ៍ថារូបគេ កំពុងស្ថិតនៅក្រោមសម្ពាធច្រើននៅពេលដែល Man United បានចុះហត្ថលេខាលើ Raphael Varane ក្នុងឆ្នាំ 2021 និង Lisandro Martinez កាលពីឆ្នាំមុន។
ប៉ុន្តែការរងរបួសសម្រាប់កីឡាករ ២រូបខាងលើ បានធ្វើអោយលោក Erik ten Hag បានផ្តល់ឱកាសអោយ Maguire ត្រលប់មកកន្លែងដើមរបស់គាត់វិញ ។ តែពេលនេះគាត់ប្រឈមមុខនឹងបញ្ហាថ្មីហើយ ខណៈ Luke Shaw ដែលជាខ្សែការពារឆ្វេង បានបង្ហាញទម្រង់លេងយ៉ាងល្អនៅតំបន់ការពារកណ្តាល ។
គួរបញ្ជាក់ Luke Shaw ត្រូវបានលោក Ten Hag ប្រើជាខ្សែការពារកណ្តាលក្នុងប្រកួតមួយចំនួនក្នុងរដូវកាលនេះ ហើយខណៈដែលគាត់នៅតែមានប្រយោជន៍នៅតំបន់ការពារឆ្វេង គាត់ក៏មានសមត្ថភាពល្អខ្លាំងផងដែរ នៅតំបន់ការពារកណ្តាល។