លេងនៅក្នុងក្លិបតូចមួយប៉ុណ្ណោះ ប៉ុន្តែរូបគេមានគ្រាប់បាល់ក្នុងលីគច្រើនជាង Haaland និង Kane ទៅទៀត
Serhou Guirassy បានកត់ចូលទៅក្នុងប្រវត្តិសាស្រ្ត Bundesliga ក្នុងការចាប់ផ្តើមរដូវកាលថ្មី ខ្សែប្រយុទ្ធវ័យ ២៧ ឆ្នាំរូបនេះបានស៊ុតបញ្ចូលទីបាន ១៤ គ្រាប់រួចហើយនៅក្នុងការប្រកួត Bundesliga ៨លើកដំបូងនៅរដូវកាលនេះ។កំណត់ត្រានេះគឺបង្កើតឡើងដោយ Robert Lewandowski ក្នុងរដូវកាល ២០២១/២១។ រដូវកាលនោះ Lewandowski គាត់បង្កើតកំណត់ត្រាសម្រាប់គ្រាប់បាល់ស៊ុតបញ្ចូលទីច្រើនជាងគេនៅ Bundesliga គឺ៤១គ្រាប់។ Guirassy នៅតែស្ថិតនៅឆ្ងាយពីកំណត់ត្រានោះ ប៉ុន្តែខ្សែប្រយុទ្ធ Stuttgart រូបនេះគឺជាខ្សែប្រយុទ្ធដ៏ឆ្នើមបំផុតនៅក្នុងលីគកំពូលទាំង ៥ របស់អឺរ៉ុបនៅរដូវកាលនេះ នាំមុខខ្សែប្រយុទ្ធ Santiago Gimenez របស់ Feyenoord ហើយជាមួយនឹងគ្រាប់បាល់ចំនួន ៥ គ្រាប់ច្រើនជាង Erling Haaland ។
ជាការពិតណាស់ កីឡាករលេខ ៩ របស់ Stuttgart ឥឡូវនេះបានស៊ុតបញ្ចូលទី ៣ គ្រាប់ច្រើនជាងកំណត់ត្រាកាលពីរដូវកាលមុនរបស់គាត់ចំនួន ១១ គ្រាប់។ Guirassy បានបង្កើតកំណត់ត្រានោះកាលពីរដូវកាលមុន នៅពេលដែលគាត់ស៊ុតបាន ១១ គ្រាប់ក្នុង ២២ ប្រកួត Bundesliga ។ នៅឆ្នាំនេះ Guirassy បានចូលរួម ៦៥ភាគរយ នៃគ្រាប់បាល់របស់ Stuttgart នៅ Bundesliga ហើយបានស៊ុតបញ្ចូលទីរៀងរាល់ ៤៤ នាទីម្តង។ Guirassy ប្រហែលជាមិនអាចបំបែកកំណត់ត្រាស៊ុតបញ្ចូលទីនៅ Bundesliga ឈ្នះ Kane ឬ Boniface ទេ ប៉ុន្តែការវិភាគមួយអាចត្រូវបានធ្វើឡើងថាគាត់អាចបញ្ចប់រដូវកាលនេះក្នុងនាមជាអ្នកស៊ុតបញ្ចូលទីបានច្រើនជាងគេទាំងបី។ នៅពេលនេះ Guirassy ជាប់ចំណាត់ថ្នាក់លេខ ៣ ក្នុងការស៊ុតបាល់បញ្ចូលទីក្នុងលីគ និងទីពីរជាមួយនឹងការប៉ះក្នុងប្រអប់ពិន័យ។ ប្រសិនបើគាត់រក្សាអត្រាគា្រប់បាល់នោះ គាត់នឹងក្លាយជាអ្នករកគ្រាប់បាល់បានច្រើនជាងគេនៅ Bundesliga នៅចុងបញ្ចប់នៃរដូវកាលនេះ ហើយតម្លៃផ្ទេរ ២០ លានអឺរ៉ូនឹងកើនឡើងជាងនេះ៕
