ជិតដាច់ឆ្នាំហើយ! ឆ្នាំ២០២៤នេះ លោកគ្រូចិនសែដ៏ល្បីឈ្មោះមួយរូបទស្សន៍ទាយថាស្ត្រីនឹងឡើងខ្លាំងជាងបុរស…
លោកគ្រូ មហាជុំ គ្រូហោរាសាស្ត្រ និងចិនសែដ៏ល្បីឈ្មោះមួយរូប ធ្លាប់បានទស្សន៍ទាយថា យុគ ៩ នេះគឺមានការប្រែប្រួលជាងយុគៈ មុនៗទៅទៀត។ កាលពីយុគ៨ គឺបុរសជាអ្នកខ្លាំង ជាអ្នកលេចមុខច្រើនជាងស្ត្រី ប៉ុន្តែចូលដល់យុគ៩នេះ គេហៅថា យុគភ្លើងដុតមាស ស្ត្រី គឺជាអ្នកខ្លាំងវិញ ហើយរយៈពេល២០ឆ្នាំចុងក្រោយ ចាប់ពីឆ្នាំ២០២៤ ដល់២០៤៤ ជាយុគភ្លើងដុតមាស។ ពោល គឺជាយុគមួយដែលស្ត្រី និងភេ.ទទី៣ ចេញមុខខ្លាំងជាងបុរស»។ សម្រាប់ស្ថាប័ន ឬក៏កន្លែងការងារណាដែលមានមេដឹកនាំជាស្ត្រី ឬភេ.ទទី៣ ក្រុមហ៊ុននោះនឹងរីកចម្រើនខ្លាំងជាងបណ្តាក្រុមហ៊ុនដឹកនាំដោយបុរស។
គួររំឮកថា លោកគ្រូ អ៊ាង គង្គា ហៅលោកគ្រូ មហាជុំ គ្រូចិនសែ ដែលពូកែលើហុងស៊ុយ មើលរាសី តាមក្បូនតម្រាចិន និងខ្មែរ ដ៏ល្បីមួយរូប លោកបានលើកឡើងតាមរយៈអង្គភាពព័ត៌មានក្នុងស្រុកមួយ តាំងពីពាក់កណ្តាលឆ្នាំមកម្ល៉េះ ខណៈពេលនេះជិតដាច់ឆ្នាំ ចូល២០២៤ ចង់ដឹងថា នឹងមានអ្វីកើតឡើងដូចលោកគ្រូបានទស្សន៍ទាយ ឬយ៉ាងណានោះ សូមប្រិយមិត្តតាមដានសង្គេតមើលទាំងអស់គ្នា។
មេឌា ៣៦៥ ដេលី សូមរក្សាសិទ្ធិក្នុងការបកស្រាយតាមបែបជំនឿ និងសាសនា ដែលពលរដ្ឋខ្មែរ តែងគោរពបូជារៀងៗខ្លួន បុគ្គលគ្រប់រូបមានសិទ្ធិជឿ ឬមិនជឿតាមឆន្ទានុសិទ្ធិរបស់ខ្លួន ជឿប្រកបដោយបញ្ញា ហើយចំពោះមតិយោបល់ចូលរួម សូមប្រកបដោយក្រុមសីលធម៌ និងអាចលើកឡើងបាននៅ Comment ខាងក្រោម និងបើគិតថា អត្ថបទនេះល្អ សម្រាប់លោកអ្នក សូមកុំភ្លេចជួយចែករំលែកបន្ត!
