Mo Salah បានប្រើស្ទីលរបស់ Ronaldo ក្នុងការអបអរគ្រាប់បាល់ទី ១៥០របស់គាត់ក្នុងការប្រកួតទល់និង Newcastle កាលពីយប់មិញ

ការប្រកួត Premier League រវាង Liverpool ទល់និង Newcastle កាលពីយប់មិញយើងបានដឹងហើយថា ក្រុមហង្សក្រហម បានយកឈ្នះក្រុមសារិកាព្រៃ ក្នុងលទ្ធផល ៤ទល់និង២ ក្នុងសប្តាហ៍ទី២០របស់លីគអង់គ្លេស។ ជាមួយគ្នានោះគ្រាប់បាល់របស់ Liverpool ស៊ុតបញ្ចូលទីដោយកីឡាករ Salah ២គ្រាប់, Curtis Jones ១គ្រាប់ និង​ Cody Gakpo១គ្រាប់ រីឯក្រុម Newcastle ស៊ុតដោយកីឡាករ Alexander Isak និងខ្សែការពារ Sven Botman។ ក្នុងការប្រកួតនោះ Mohamed Salah រកបាន២គ្រាប់ហើយក៏ជាគ្រាប់បាល់ទី ១៥១ របស់គាត់នៅ Premier League ផងដែរ ជាមួយគ្នានោះនៅពេលដែលគាត់រកបានគ្រាប់បាល់ទី ១៥០ គាត់ក៏បានធ្វើស្ទីលអបអរដូច Ronaldo ផងដែរ៕