មកស្គាល់កីឡាករទាំង ១០ដែលមានតម្លៃខ្លួនថ្លៃបំផុតក្នុងទីផ្សារដោះដូរកីឡាកររដូវរងាខែមករានេះ

ឆ្នាំថ្មី ខែថ្មី ២០២៤ ទីផ្សារដោះដូរកីឡាករតំបន់អឺរ៉ុបខែមករាក៏បានបើកទ្វារ ខណៈដែលក្លិបធំៗជាច្រើនក៏កំពុងស្រវេស្រវ៉ារៀបចំឯកសារសម្រាប់ទិញកីឡាករដែលខ្លួនចង់។ ក្នុងនោះកីឡាករខ្លះក៏ប្រែប្រួលតម្លៃខ្លនតាមទម្រង់លេងរបស់ពួកគេ ហើយថ្ងៃនេះអេដមីននឹងមកនាំប្រិយមិត្តមកស្គាល់កីឡាករដែលមានតម្លៃខ្លួនថ្លៃជាងគេទាំង ១០រូប។

10.Declan Rice – 110លានអឺរ៉ូ
ចូលរួមជាមួយ Arsenal នៅក្នុងរដូវកាលនេះពី​ WestHam ក្នុងតម្លៃ ១១៦លានអឺរ៉ូ។ បច្ចុប្បន្នរូបគេលេងឲ្យ Arsenal បាន ២៨ប្រកួត រកបាន៣គ្រាប់ និង ១ assist។

9.Victor Osimhen – 110លានអឺរ៉ូ
កីឡាករអន្តរជាតិ នីហ្សេរីយ៉ារូបនេះគឺជាខ្សែប្រយុទ្ធដ៏មុតស្រួចរបស់ Napoli ក្នុងនោះរូបគេបានផ្ទេរចេញពីក្លិបរបស់បារាំងគឺ Lille ក្នុងតម្លៃខ្លួន ៧៥លានអឺរ៉ូក្នុងឆ្នាំ ២០២០។

8.Lautaro Martinez – 110លានអឺរ៉ូ
ជាប្រធានក្រុម និងជាខ្សែប្រយុទ្ធរបស់ក្រុមពស់ខៀវ Inter Milan បានចូលរួមជាមួយក្លិបខាងលើក្នុងឆ្នាំ ២០១៨ពីក្លិប Racing ក្នុងតម្លៃខ្លួនត្រឹមតែ ២៥លានអឺរ៉ូប៉ុណ្ណោះ ខណៈដែលបច្ចុប្បន្នរូបគេមានតម្លៃខ្លួនគុណនិង៥ឯណោះ។

7.Phil Foden – 110លានអឺរ៉ូ
មានអាយុត្រឹមតែ ២៣ឆ្នាំប៉ុណ្ណោះ Phil Foden បានក្លាយកីឡាករដែលអាចឈ្នះពាន Treble បានរួចទៅហើយ។ កីឡាករដែលមានជំនាញជើងឆ្វេងរូបនេះក៏ធ្លាប់ជាយុវជនថ្នាលរបស់ Man City ផងដែរ។

6.Jamal Musiala – 110លានអឺរ៉ូ
ជាកីឡាករកូនកាត់ អាល្លឺម៉ង់-អង់គ្លេស Musiala គឺជាកីឡាករដែលមានវ័យ ២០ឆ្នាំទី២ដែលឈរឈ្មោះជាកីឡាករដែលមានតម្លៃខ្លួនថ្លៃបំផុតទាំង១០។ កាលពីរដូវកាលមុនរូបគេក៏បានស៊ុតគ្រាប់បាល់ជ័យជម្នះដើម្បីយកពាន Bundesliga ឲ្យ Bayern Munich ផងដែរ។

5.Bukayo Saka – 120លានអឺរ៉ូ
សិស្សសំណព្វរបស់លោក Mikel Arteta Saka មានសមិទ្ធិផលជាច្រើនឲ្យ Arsenal ក្នុងនោះរួមមានពានរង្វាន់ FA Cup មួយនិង Community Sheild ចំនួន ២ផងដែរ។ រូបគេក៏លេងឲ្យ Arsenal បាន២៦ប្រកួតផងដែរក្នុងរដូវកាលនេះ។

4.Vinicius Junior – 150លានអឺរ៉ូ
ចាប់ផ្តើមជាមួយ Real Madrid ក្នុងឆ្នាំ ២០១៨ពីក្លិប Flamengo​ របស់ប្រេស៊ីល រូបគេលេងមិនសូវបានល្អឡើយប៉ុន្តែចាប់តាំងពីឆ្នាំ ២០២១មក រូបគេតែងតែបង្កើតឳកាសនិងគ្រាប់បាល់ជាច្រើនឲ្យ Real Madrid ក្នុងរូបគេក៏រួមចំណែកយក Champions League ឲ្យ Real Madrid ផងដែរ។

3.Kylian Mbappe – 180លានអឺរ៉ូ
ម្ចាស់ពានរង្វាន់ FIFA World Cup 2018 រូបនេះបានធ្វើឲ្យ Real Madrid ឈឺក្បាលយ៉ាងខ្លាំងក្នុងការផ្ទេរទៅកាន់ក្លិបរបស់អេស្ប៉ាញមួយនេះ។ កិច្ចសន្យារបស់គាត់នៅសល់តែ ៥ខែទៀតប៉ណ្ណោះ ដូច្នេះ Real Madrid មិនចាំបាច់ឈឺក្បាលនិងតម្លៃខ្លួនដ៏មហាសាលរបស់កីឡាកររូបនេះទៀតឡើយ។

2.Erling Haaland – 180លានអឺរ៉ូ
រហ័សនាម មនុស្សយន្ត Haaland បានបំណែកកំណត់ត្រាជាច្រើនក្នុង Premier League បានធ្វើឲ្យតម្លៃខ្លួនរបស់គេកើនឡើងគួរឲ្យកត់សម្គាល់។ រូបគេបានចូលរួមជាមួយក្លិបយក្សអង់គ្លេសមួយនេះពីក្លិបរបស់ អាល្លឺម៉ង់ Borussia Dortmund ក្នុងតម្លៃខ្លួន ៦០លានអឺរ៉ូកាលនៅរដូវកាល ២០២២/២០២៣។

1.Jude Bellingham – 180លានអឺរ៉ូ
លេងជាខ្សែបម្រើប៉ុណ្ណោះ ប៉ុន្តែរូបគេមានសមត្ថភាពដូចជាខ្សែប្រយុទ្ធទោលអ៊ីចឹង​។ ចូលរួមជាមួយ Real Madrid ក្នុងរដូវកាលនេះរូបគេបានឈរស្មើរនិងកំណត់ត្រារបស់ Ronaldo នៅក្លិបមួយនេះទៅហើយ ចាំមើលថាតើគាត់អាចបំបែកកំណត់ត្រាណាទៀតសម្រាប់ Real Madrid៕

អត្ថបទដោយ៖ MC-Pedro