មកដឹងពីការប្រកួតធំៗដែលគ្រោងនឹងធ្វើឡើងក្នុងឆ្នាំ ២០២៤នេះ

ជារៀងរាល់ឆ្នាំ ការប្រកួតជាច្រើនបានកើតឡើងនៅតាមទ្វីបនីមួយៗ ដែលបង្ហាញពីក្លិប និងក្រុមជម្រើសជាតិល្អបំផុតប្រកួតប្រជែងគ្នា។ ហើយឆ្នាំ ២០២៤នេះគឺជាឆ្នាំដែលបាល់ទាត់និងធ្វើឲ្យមនុស្សជុំវិញពិភពលោករីករាយ ថ្ងៃនេះអេដមីននឹងនាំប្រិយមិត្តមកដឹងពីព្រត្តិការណ៍បាល់ទាត់ដែលនឹងធ្វើឡើងក្នុងឆ្នាំ ២០២៤នេះ។

1.AFC Asian Cup 2023 (12 មករា ដល់ 10 កុម្ភៈ)
ពានរង្វាន់ AFC Asian Cup ឆ្នាំ 2023 គឺជាការប្រកួតបាល់ទាត់អន្តរជាតិដ៏អស្ចារ្យដែលមានក្រុមជម្រើសជាតិមកពីសហព័ន្ធបាល់ទាត់អាស៊ី (AFC) ។ ប្រទេសចិនគឺជាប្រទេសដែលត្រូវធ្វើជាម្ចាស់ផ្ទះសម្រាប់ការប្រកួតលើកទី១៨សម្រាប់ពានរង្វាន់មួយនេះ ប៉ុន្តែប្រទេសចិនក៏បានដកខ្លួនដោយសារតែបញ្ហា Covid ក្នុងខែឧសភា ឆ្នាំ២០២២ ។ ហើយពានរង្វាន់មួយនេះក៏លើកទៅកាន់ឆ្នាំ 2023 នៅប្រទេសកាតា ដែលនឹងមានការប្រកួតចំនួន ៥១ប្រកួត។

2.Africa Cup Of Nation (13 មករា ដល់ 11 កុម្ភៈ)
Africa Cup of Nations ជាការប្រកួតបាល់ទាត់សមាគមអន្តរជាតិនៅអាហ្វ្រិក។ ការប្រកួតនេះត្រូវបានរៀបចំឡើងដោយសហព័ន្ធបាល់ទាត់អាហ្រ្វិក ឬ CAF ។ ទោះជាយ៉ាងណាក៏ដោយ នៅថ្ងៃទី 3 ខែកក្កដា ឆ្នាំ 2022 CAF បានប្រកាសពីការពន្យារពេលនៃការប្រកួតដោយលើកឡើងពីការព្រួយបារម្ភទាក់ទងនិងលក្ខខណ្ឌអាកាសធាតុរដូវក្តៅមិនល្អនៅក្នុងប្រទេសកូតឌីវ័រ។ ទោះបីជាមានការផ្លាស់ប្តូរពេលវេលាក៏ដោយ ការប្រកួតនេះនៅតែរក្សាឈ្មោះដើមរបស់ខ្លួនសម្រាប់គោលបំណងរបស់ម្ចាស់ឧបត្ថម្ភ។

3.UEFA Euro 2024 (14 មិថុនា ដល់ 14 កក្កដា)
UEFA Euro គឺជាការប្រកួតបាល់ទាត់អន្តរជាតិដែលមានសមាជិករបស់ UEFA ចូលរួម។ ការប្រកួតនេះគឺជាព្រឹត្តិការណ៍ដ៏សំខាន់មួយចាប់តាំងពីការចាប់ផ្តើមរបស់ខ្លួនក្នុងឆ្នាំ 1960 មក។ ការប្រកួតលើកទី 17 នេះនឹងធ្វើឡើងនៅប្រទេសអាឡឺម៉ង់ចាប់ពីថ្ងៃទី 14 ខែមិថុនាដល់ថ្ងៃទី 14 ខែកក្កដា ឆ្នាំ 2024។ អ៊ីតាលី​គឺជា​ជើងឯកចាស់ ដោយពួកគេ​បានយក​ជ័យ​ជម្នះ​ក្នុង​ការ​ប្រកួត​ឆ្នាំ ២០២០ បន្ទាប់​ពី​ឈ្នះ​អង់គ្លេស​ដោយ​បាល់​ប៉េណាល់ទី។

4.Copa America (20 មិថុនា ដល់ 14 កក្កដា)
Copa América ឆ្នាំ 2024 គឺជាការប្រកួតបាល់ទាត់បុរសដែលមានក្រុមជម្រើសជាតិមកពី CONMEBOL ដែលជាសហព័ន្ធបាល់ទាត់អាមេរិកខាងត្បូង។ បង្កើតឡើងដំបូងក្នុងឆ្នាំ 1916 Copa América គឺជាការប្រកួតដ៏ចំណាស់បំផុតរបស់ពិភពលោក។ ព្រឹត្តិការណ៍ឆ្នាំនេះស្ថិតនៅក្នុងសហរដ្ឋអាមេរិកចាប់ពីថ្ងៃទី 20 ខែមិថុនាដល់ថ្ងៃទី 14 ខែកក្កដា ឆ្នាំ 2024 ហើយម្ចាស់ពាននេះចុងក្រោយគឺក្រុមជម្រើសជាតិពពកស អាហ្សង់ទីន៕

អត្ថបទដោយ៖ MC-Pedro