ក្រោយជាន់ដីអារ៉ាប៊ីសាអ៊ូឌីតភ្លាម PSG បដិសេធកិច្ចសន្យា Messi ភ្លែត
ជាការពិតណាស់ Lionel Messi ត្រូវបានក្លិបតម្រូវឲ្យចូលហ្វឹកហាត់ជាមួយមិត្តរួមក្រុមរបស់ខ្លួន ក្រោយចាញ់ក្រុម Lorient ក្នុងទឹកដីខ្លួនឯង ប៉ុន្តែរូបគេមិនបានចូលហ្វឹកហាត់ ហើយថែមទាំងធ្វើដំណើរទៅកាន់អារ៉ាប៊ីសាអូឌីតដោយគ្មានការដឹងលឺពីក្លិបទៀតផង។
យោងតាមគេហទំព័ររបស់បារាំង L’Equipe បានឲ្យដឹងថា ក្លិប Paris Saint-Germain សម្រេចមិនបន្តកុងត្រាជាមួយ ខ្សែប្រយុទ្ធសញ្ជាតិអាហ្សង់ទីន ក្រោយដឹងរឿងពីការធ្វើដំណើរទៅកាន់ទឹកដីប្រទេសអារ៉ាប៊ីសាអ៊ូឌីត ដោយគ្មានការអនុញ្ញាតរបស់ Messi ។
គួរបញ្ជាក់ថា កីឡាករវ័យ ៣៥ឆ្នាំ ត្រូវបាន PSG ពិន័យព្យួរមិនឲ្យបង្ហាញខ្លួនក្នុងការប្រកួតចំនួន ២សប្ដាហ៍ អំឡុងពេលពិន័យនេះ Messi មិនអនុញ្ញាឲ្យទៅហ្វឹកហាត់ជាមួយមិត្តរួមក្រុម និងត្រូវកាត់ប្រាក់ពលកម្មថែមទៀត៕