ទោះបង្ខំប៉ុណ្ណាក៏ Special one មិនទៅដឹកនាំដែរ
លោក Jose Mourinho មិនយល់ព្រមទៅដឹកនាំក្លិប Chelsea ឡើយ ទោះមានការអញ្ជើញយ៉ាងណាក៏ដោយ។ បច្ចប្បន្នក្លិបតោខៀវពិតជាដុនដាបខ្លាំង ដែលស្ថិតដល់ទៅលេខ ១២ ក្នុងតារាង Premier League មាន ៣៩ពិន្ទុប៉ុណ្ណោះ។
យ៉ាងណាមិញយោងតាមសារព័ត៌មាន Goal បានឲ្យដឹងថា ក្លិប Chelsea ចង់បានលោក Mourinho ត្រលប់មកដឹកនាំ Chelsea សាជាថ្មីម្ដងទៀត ដែលលោកជាបេក្ខភាពតែមួយគត់នាំមុខក្នុងការប្រជែងយកតំណែងអ្នកចាត់ការទូទៅថ្មី។ ទោះជាយ៉ាងណាក៏ដោយ ភាគីលោក Mourinho បានបដិសេធការផ្ដល់ជូននេះ ដោយលោកលើកយកមូលហេតុថាចង់បន្តដឹកនាំក្លឹប Roma បន្តទៀត។
គួរបញ្ជាក់ថា គ្រូបង្វឹកវ័យ៦០ឆ្នាំ ធ្លាប់ដឹកនាំ Chelsea ២ លើករួចមកហើយ ក្នុងនោះលើកទីមួយនៅឆ្នាំ ២០០៤ ដល់ ២០០៧ ហើយលើកទីពីរនៅឆ្នាំ ២០១៣ ដល់ ២០១៥ ថែមទាំងជួយក្លិបឲ្យឈ្នះពានរង្វាន់ Premier League ដល់ទៅ៣ ដងផងដែរ៕