Mykhailo Mudryk បានប្រតិកម្មបែបនេះបន្ទាប់ពីអ្នកគាំទ្រ Arsenal បាញ់ laser ចំភ្នែក
តារាឆ្នើមរបស់ Chelsea កីឡាករ Mykhailo Mudryk បានទទួលការស្វាគមន៍ជាមួយនិងកំហឹងនៅឯកីឡដ្ឋាន Emirates ដោយអ្នកគាំទ្រក្រុម Arsenal បានបាញ់ laser ចូលទៅក្នុងភ្នែករបស់គាត់ និងស្រែកចំអកអោយគាត់ផងដែរ ។
ក្នុងទីផ្សារដោះដូរកន្លងទៅខ្សែបម្រើស្លាបរូបនេះ បានរំពឹងថា រូបគេនឹងផ្ទេរទៅកាន់ក្រុមកាំភ្លើងធំក្នុងខែមករា ប៉ុន្តែ Mudryk បែរជាផ្ទេរទៅកាន់ក្លិប Chelsea ទៅវិញ។ នេះអាចមានមូលហេតុដែលធ្វើអោយអ្នកគាំទ្រ Arsenal អន់ចិត្ត ហើយបានបាញ់ laser ចូលទៅក្នុងភ្នែករបស់គាត់នៅក្នុងការប្រកួត Premier League កាលពីយប់ថ្ងៃអង្គារក្នុងតង់ទី 2 ។ អ្នកគាំទ្រដែលគ្មានគំនិតមួយចំនួនបានយកបញ្ហាបន្ថែមទៀតជាមួយនិង ទង្វើគួរឲ្យអាម៉ាស់ក្នុងការព្យាយាមបំបែកអារម្មណ៍ខ្សែបម្រើស្លាបខាងលើ។
Mudryk បានបង្ហោះសារក្នុង Instagram ដើម្បីឆ្លើយតបទៅនឹងទង្វើបែបនេះ ថា៖ “មិនអីទេ” ។ កីឡាករវ័យ២២ឆ្នាំរូបនេះ បាននិយាយយ៉ាងសាមញ្ញ ទំនងជាឆ្លើយតបនឹងស្ថានភាពភ្នែករបស់គាត់ផងដែរ៕