មកដឹងពីមូលហេតុដែល Ronaldo ត្រូវបានដកឈ្មោះចេញពីក្រុមជម្រើសជាតិព័រទុយហ្គាល់

Cristiano Ronaldo នឹងខកខានការប្រកួតមិត្តភាពទល់និងក្រុមជម្រើសជាតិស៊ុយអែត ខណៈដែលលោក Roberto Martinez បានផ្លាស់ប្តូរសមាសភាពក្រុមភ្លាមៗ។ លោក Martinez បានដាក់បញ្ចូលឈ្មោះម្ចាស់ Ballon d’Or ៥សម័យ ចូលក្នុងបញ្ជីកីឡាករ ៣២រូបចុងក្រោយ ប៉ុន្តែគាត់បានដកឈ្មោះគាត់ចេញក្នុងការប្រកួតទល់និងស៊ុយអែត។ មិនមែនមានតែ Ronaldo ទេដែលអវត្តមានក្នុងការប្រកួតទល់និងស៊ុយអែតក្នុងនោះមានតារាឆ្នើមៗជាច្រើនដូចជា Diogo Dalot, Joao Cancelo, Danilo Pereira, Otavio, Ruben Dias, Vitinha និង​ Joao Felix ផងដែរ។

បើយោងតាម ESPN, មូលហេតុដែលខ្សែប្រយុទ្ធរបស់ Al Nassr ត្រូវបានដកចេញពីក្រុមជម្រើសជាតិគឺដោយសារ គាត់បានទៅដើរកំសាន្តជាមួយគ្រួសារនៅអារ៉ាប៊ីសាអូឌីត បន្ទាប់ការសម្រាកដកឃ្លារបស់លីគកំពូលអារ៉ាប៊ីសាអូឌីត Saudi Pro League។ អតីតកីឡាករឆ្នើមរបស់ Real Madrid រូបនេះបានលេងឲ្យ Al Nassr ៩០នាទីពេញក្នុងការប្រកួតកាលពីថ្ងៃសៅរ៍ទល់និង Al Ahli ដូច្នេះវាពិតជាសំខាន់ក្នុងការយកពេលវេលាខ្លះដើម្បីសាកថ្មជីវិតជាមួយគ្រួសារ។ គោលដៅបន្ទាប់របស់អតីតខ្សែបម្រើរបស់ Man United រូបនេះគឺនឹងត្រូវបង្ហាញខ្លួនក្នុងការប្រកួតទល់និងស្លូវេនីនៅថ្ងៃទី២៦ខែមីនានេះ មុនត្រឡប់ទៅជួយ Al Nassr ដែលនឹងត្រូវជួបជាមួយ Al Tai នៅថ្ងៃទី៣០៕