មិនគួរអោយជឿរ! Spurs ត្រៀមធ្វើរឿងមួយនេះដើម្បីចងជើង Harry Kane
ប្រធានក្លឹប Spurs លោក Daniel Levy បានលើកឡើងពីលទ្ធភាពដែលរូបសំណាករបស់ Kane អាចនឹងត្រូវបានសាងសង់នៅថ្ងៃណាមួយខាងក្រៅកីឡាដ្ឋាន Tottenham Hotspur ។ ហើយ Kane គឺជាអ្នករកគ្រាប់បាល់បានច្រើនបំផុតសម្រាប់ក្លិបមួយនេះផងដែរ ។ គាត់ក៏ជាអ្នកស៊ុតបញ្ចូលទីបានច្រើនជាងគេបំផុតសម្រាប់ក្រុមជម្រើសជាតិអង់គ្លេសដែរ ដោយបានវ៉ាដាច់ Wayne Rooney ។
Kane បានប្រាប់ Sky Sports ថា “រូបសំណាកមួយ មិនអាចបញ្ចប់អាជីពរបស់ខ្ញុំបានទេ ខ្ញុំពេញចិត្តចំពោះពាក្យដែលលោកប្រធានបាននិយាយអំពីខ្ញុំ ប៉ុន្តែចុងក្រោយអ្វីដែលខ្ញុំអាចធ្វើបានគឺ នឹងលះបង់គ្រប់យ៉ាងនៅលើទីលាន ។ នៅគ្រប់ពេល គ្រប់ការប្រកួត ខ្ញុំនឹងព្យាយាមជួយក្រុមតាមអ្វីដែលអាចធ្វើទៅបាន”។
គួរបញ្ជាក់ផងដែរថា ប្រធានក្លិបរបស់ Spurs ធ្វើរឿងមួយនេះក៏ដោយសារតែមានពាក្យចរចារអារ៉ាមថា Harry Kane នឹងចាកចេញពីក្រុមមួយនេះនៅ ចបរដូវកាលនេះផងដែរ ។
