អតីតខ្សែប្រយុទ្ធ Liverpool កំពុងត្រៀមផ្លាស់ទៅ Man United ក្នុងរដូវក្ដៅនេះហើយ
អតីតតារា Liverpool កីឡាករ Sadio Mane បានក្លាយជាជម្រើសផ្ទេរដ៏គួរឱ្យភ្ញាក់ផ្អើលមួយសម្រាប់ Manchester United ចំពេលមានការអះអាងថាគាត់អាចចាកចេញពី Bayern Munich នេះបើយោងតាមសារព័តមាន Sky Germany ។
Mane បានប្រែខ្លួនគាត់អោយក្លាយជាខ្សែបម្រើស្លាបដ៏ល្អបំផុតក្នុងពិភពលោក អំឡុងពេលដែលគាត់មានផ្លែផ្ការយៈពេលប្រាំមួយឆ្នាំជាមួយ Liverpool។ គាត់ស៊ុតបញ្ចូលទីបាន 120 គ្រាប់ និងបញ្ជូនបាល់ឱ្យមិត្តរួមក្រុមចំនួន 48 លើកពីការបង្ហាញខ្លួន 269 ដងក្នុងការប្រកួតនានាសម្រាប់ក្រុមហង្សក្រហម។ ខ្សែប្រយុទ្ធរូបនេះក៏បានជួយក្រុមឈ្នះពានរង្វាន់ចំនួន 6 រួមទាំង Premier League និង UEFA Champions League ផងដែរ។ Mane ស៊ុតបញ្ចូលទីបាន 12 ដង និងបញ្ជូនបាល់ឱ្យមិត្តរួមក្រុមចំនួន 6 ដងក្នុងការប្រកួតចំនួន 37 លើកសម្រាប់ក្រុម Bayern ។
Manchester United ត្រូវបានគេដឹងថាបានប្ដេជ្ញាចិត្តក្នុងការពង្រឹង តំបន់ប្រយុទ្ធរបស់ពួកគេដោយមានខ្សែប្រយុទ្ធថ្មីដែលគេចង់បាន។ ពួកគេក៏អាចចុះហត្ថលេខាលើខ្សែបម្រើស្លាប Sadio Mane ខណៈដែល Jadon Sancho និង Anthony Martial ត្រូវបានគេរាយការណ៍ថាប្រឈមមុខនិងអនាគតមិនច្បាស់លាស់នៅ Old Trafford ។
