ផ្ទុះការកោតសសើរជាច្រើនលើកកីឡាករ Man City ម្នាក់ថាលេងដូច Messi ក្នុងជំនួបប៉ះជាមួយ Real Madrid
អ្នកគាំទ្របានកោតសរសើរខ្លាំងលើ តារាឆ្នើមរបស់ក្រុម Manchester City កីឡាករ Bernardo Silva សម្រាប់ការបង្ហាញទម្រង់លេងរបស់គេទល់នឹង Real Madrid ខណៈមានអ្នកខ្លះ បានប្រៀបធៀបរូបគេទៅនឹង Lionel Messi។
ជាការពិតណាស់ ខ្សែបម្រើវ័យ ២៨ឆ្នាំបានស៊ុតបញ្ចូលទីបានពីរគ្រាប់ក្នុងជើងទីពីរនៃក្របខណ្ឌ UEFA Champions League វគ្គពាក់កណ្តាលផ្តាច់ព្រ័ត្រនៅទឹកដី Etihad ដែលក្រុមមេឃខៀវ ទទួលបានជ័យជម្នះដោយលទ្ធផល ៤-០។ Silva បានបើកការស៊ុតបញ្ចូលទីអោយក្រុមម្ចាស់ផ្ទះនៅនាទីទី ២៣ និងគ្រាប់ទី២ នៅនាទីទី ៣៧។
យ៉ាងណាមិញ អ្នកគាំទ្រជាច្រើន បានកោតសរសើរកីឡាកររូបនេះចំពោះការបង្ហាញទម្រង់លេងដ៏អស្ចារ្យ ធ្វើឲ្យអ្នកលេងបណ្ដាញសង្គម Twitter លើកឡើងថា៖
– Bernardo Silva គឺជា Lionel Messi របស់ Premier League ពិតប្រាកដ
– Bernardo Silva គឺជាគំរូនៃកីឡាករបាល់ទាត់ដ៏ធំមួយ។ សូមនៅទម្រង់បែបនេះជារៀងរហូត យើងស្រឡាញ់អ្នកខ្លាំងណាស់
គួរបញ្ជាក់ថា Bernardo Silva បានក្លាយជាកីឡាករទី ៣ដែលស៊ុតបញ្ចូលទីបានពីរគ្រាប់ប្រើរយៈពេលក្នុងការប្រកួតវគ្គពាក់កណ្តាលផ្តាច់ព្រ័ត្រ UEFA Champions League ជាមួយក្រុម Real Madrid៕