និយាយត្រង់ៗម៉ង! តារាឆ្នើម Bayern រូបនេះបានប្រាប់ក្លិបថារូបគេនិងចាកចេញបន្ទាប់ពី Barca ចាប់អារម្មណ៍រូបគេ

តារាឆ្នើមរបស់ក្លឹប Bayern Munich កីឡាករ Benjamin Pavard បានប្រាប់ម្ចាស់ជើងឯក Bundesliga ថាគាត់ចង់ចាកចេញពីក្លឹបនៅរដូវក្តៅនេះ ចំពេលមានការចាប់អារម្មណ៍ពីក្លឹប Barcelona នេះបើយោងតាមអ្នកកាសែត Sky Deutschland លោក Florian Plettenberg ។

Pavard បានចូលរួមជាមួយ Bayern Munich ពី VfB Stuttgart ក្នុងតម្លៃប្រហែល 35 លានអឺរ៉ូក្នុងឆ្នាំ 2019 ។ ចាប់តាំងពីពេលនោះមក គាត់បានក្លាយជាកីឡាកររបស់ ក្លឹបយក្សអាល្លឺម៉ង់មួយនេះ ដោយបានបង្ហាញខ្លួន 162 ប្រកួត។ ខ្សែការពាររូបនេះបានរួមចំណែកដល់ការស៊ុតបញ្ចូលទី 24 គ្រាប់ក្នុងការប្រកួតទាំងនោះ នឹងបានជួយក្លឹបឈ្នះពានរង្វាន់ចំនួន 10 រួមទាំងពានរង្វាន់ Bundesliga ចំនួនបួន និង UEFA Champions League មួយផងដែរ ។

ទោះបីជាយ៉ាងណាក៏ដោយ មានការងឿងឆ្ងល់អំពីអនាគតរបស់កីឡាករសញ្ជាតិបារាំងរូបនេះនៅឯក្លឹប Bayern ខណៈដែលកិច្ចសន្យារបស់គាត់នឹងបញ្ចប់នៅខែមិថុនា ឆ្នាំ 2024។ យោងតាមប្រភពខាងលើ Pavard បានសម្រេចចិត្តមិនបន្តកិច្ចសន្យារបស់គាត់លើសពីឆ្នាំក្រោយឡើយ ។ លើសពីនេះ គាត់បានជូនដំណឹងដល់ Bavarians(Bayern) ថាគាត់ចង់ចាកចេញពីក្លឹបនៅរដូវក្តៅនេះ ។