តារាឆ្នើមរបស់ Man United រូបនេះត្រូវបានចោទប្រកាន់ថា បានប្រើអំពើហិង្សាលើអតីតមិត្តស្រីរបស់ខ្លួន
ខ្សែប្រយុទ្ធ Antony របស់ក្រុម Manchester United កំពុងតែមានរឿងក្តៅគគុកហើយ បន្ទាប់ពីអតីតដៃគូរបស់គាត់ នាង Gabriela Cavallin បានចោទប្រកាន់ថាបានប្រើអំពើហិង្សាក្នុងគ្រួសារ ខណៈ Cavallin ដែលជាអ្នកចាក់ភ្លេង (DJ) និងជា Digital Creator បានអះអាងថា នាងត្រូវបានកីឡាករសញ្ជាតិប្រេស៊ីលរូបនេះធ្វើបាបរាងកាយចំនួនបួនដង។
នាងបានលើកឡើងថា មានទំនាក់ទំនងជាមួយកីឡាកររូបនេះរយៈពេលពីរឆ្នាំ ហើយបានរស់នៅជាមួយគ្នាក្នុងទីក្រុង Amsterdam អំឡុងពេលដែលខ្សែបម្រើស្លាបរូបនេះលេងឱ្យ Ajax ហើយនាង និងបានបន្ថែមថា ការប្រើអំពើហិង្សាលើកដំបូងបានកើតឡើងនៅឆ្នាំ ២០២២ នៅក្លិបរាត្រីមួយក្នុងទីក្រុង Sau Paulo ប្រទេសប្រេស៊ីល និងបានវាយប្រហារលើកទីពីរបានកើតឡើងនៅក្នុងខែមករា ២០២៣ នៅពេលដែល Antony គឺជាកីឡាកររបស់ Manchester United រួចទៅហើយ។
ស្ត្រីខាងលើនេះបានអះអាងទៀតថា មានករណីពីរលើកទៀត ហើយមិត្តភក្តិរបស់នាងម្នាក់ត្រូវបានគេលើកឡើងធ្វើជា ជាសាក្សី និងម្តាយរបស់ Antony ក៏មានវត្តមានផងដែរនៅពេលដែលករណីពីរចុងក្រោយបានកើតឡើង។
គួររំឭកថា កីឡាកររបស់បិសាចក្រហមរូបនេះ ក៏ត្រូវបានគេរាយការណ៍ថា បានកម្ទិចទូរស័ព្ទរបស់នាងផងដែរ ហើយក្នុងនោះ នាងក៏បានអះអាងបន្ថែមទៀតថា Antony បានគំរាមកំហែងនាងនៅថ្ងៃទី ២០ ខែឧសភាទៀតផង ហើយពេលនេះពាក្យបណ្តឹងរបស់ Cavallin កំពុងស្ថិតនៅក្រោមការស៊ើបអង្កេតរបស់ប៉ូលីសផងដែរ។
