កីឡាករកំពូលៗទាំង ៥ ដែលបានចូលនិវត្តន៍ពីបាល់ទាត់ក្នុងឆ្នាំនេះ
ជារៀងរាល់ឆ្នាំ ពិភពបាល់ទាត់បាននិយាយលាទៅកាន់កីឡាករល្បីៗមួយចំនួនរបស់ខ្លួន ដែលបានសម្រេចចិត្តថាដល់ពេលចូលនិវត្តន៍ ហើយព្យួរស្បែកជើងរបស់ពួកគេ ហើយហេតុផលសម្រាប់ការចូលនិវត្តន៍នេះ គឺប្រែប្រួលមកពីការធ្លាក់ចុះនៃទម្រង់លេង ដោយសារអាយុ របួស បញ្ហាសុខភាព ឬបំណងប្រាថ្នាចង់បន្តអាជីពផ្សេងទៀត។
ឆ្នាំ ២០២៣ មិនខុសពីរាល់ឆ្នាំឡើយ ខណៈខាងក្រោមនេះគឺជាកីឡាករបាល់ទាត់ចំនួន ៥ រូបដែលបានចូលនិវត្តន៍នៅឆ្នាំនេះ៖
#5 Bojan Krkic
មនុស្សជាច្រើនប្រហែលជាមិនយល់ស្របនិងការយក Bojan Krkic ថាជាវីរបុរសនៃការប្រកួតនេះទេ ប៉ុន្តែអតីតខ្សែប្រយុទ្ធ Barcelona, Ajax និង Milan រូបនេះគឺជាកីឡាករម្នាក់ដែលអ្នកគាំទ្រ ជាច្រើនបានស្ងើចសរសើរនិងទេពកោសល្យរបស់គាត់។ អតីតកីឡាករជម្រើសជាតិអេស្ប៉ាញរូបនេះគឺជាយុវជនម្នាក់ក្នុងចំណោមយុវជន ដែលមានឱកាសជាច្រើនដែលមិនបានបំពេញតាមការរំពឹងទុក។ និស្សិតបញ្ចប់ការសិក្សានៅ La Masia ដ៏ល្បីល្បាញរូបនេះត្រូវបានគេសរសើរថាជាតារាធំជាងគេបន្ទាប់ពី Lionel Messi ។
#4 Joaquin Sanchez
វីរបុរសបាល់ទាត់អេស្ប៉ាញ Joaquin ថ្មីៗនេះបានព្យួរស្បែកជើងរបស់គាត់នៅចុងរដូវកាល ២០២២-២៣ បន្ទាប់ពីចំណាយរយៈពេល ២៤ ឆ្នាំក្នុងអាជីពជាកីឡាករបាល់ទាត់ ហើយកីឡាករវ័យ ៤១ ឆ្នាំរូបនេះបានចូលនិវត្តន៍ក្នុងនាមជាកីឡាករដេលមានវ័យចំណាស់បំផុតក្នុងកីឡាបាល់ទាត់ និងជាសមាជិកដែលលេងយូរបំផុតក្នុងប្រវត្តិសាស្ត្រ La Liga ផងដែរ។
#3 Mesut Ozil
Mesut Ozil អតីតខ្សែបម្រើសញ្ជាតិអាឡឺម៉ង់ត្រូវបានចាត់ទុកថាជាកីឡាករឆ្នើមម្នាក់ក្នុងជំនាន់របស់គាត់ ហើយម្ចាស់ជើងឯក World Cup ២០១៤ រូបនេះមានភាពល្បីល្បាញដោយសារជំនាញបច្ចេកទេស ភាពច្នៃប្រឌិត និងសមត្ថភាពប៉ះបាល់របស់គាត់។ Ozil ទទួលបានភាពជោគជ័យជាច្រើនជាមួយ Werder Bremen, Real Madrid, និង Arenal ដោយបានឈ្នះពានរង្វាន់ DFB Pokal, La Liga និង FA Cup ចំនួនបី ក្នុងនោះកីឡាករសញ្ជាតិអាឡឺម៉ង់រូបនេះ គឺជាអ្នកបញ្ជូនបាល់ដ៏អស្ចារ្យ ដោយបានឈរនៅលើកំពូលតារាង Assists នៅ La Liga និង Premier League ក្នុងរយៈពេលជាច្រើនរដូវកាលកន្លងមក។
#2 Gareth Bale
ការចូលនិវត្តន៍របស់ Gareth Bale នៅអាយុ ៣៣ ឆ្នាំបានធ្វើឱ្យមនុស្សជាច្រើនភ្ញាក់ផ្អើល ដោយសារខ្សែបម្រើស្លាបសញ្ជាតិវែលរូបនេះទើបតែ បានចុះកុងត្រាជាមួយក្លឹប Los Angeles FC នៃ Major League Soccer (MLS) នៅរដូវក្តៅឆ្នាំ ២០២២។ គាត់ក៏បានធ្វើជាប្រធានក្រុមជម្រើសជាតិរបស់គាត់ទៅ FIFA World Cup ឆ្នាំ ២០២២ ផងដែរ មុនពេលប្រកាសការសម្រេចចិត្តចូលនិវត្តន៍ភ្លាមៗបន្ទាប់ពីការប្រកួត Mundial ។
#1 Zlatan Ibrahimovic
ខ្សែប្រយុទ្ធស៊ុយអែតបានប្រកាសចូលនិវត្តន៍នៅចុងរដូវកាលនេះដែលទើបតែបញ្ចប់ Zlatan Ibrahimovic មានអាជីពដ៏អស្ចារ្យ ដោយរីករាយនិងភាពជោគជ័យគួរឲ្យកត់សម្គាល់នៅគ្រប់ក្លិបដែលគាត់បានលេង។ កីឡាករវ័យ ៤១ ឆ្នាំរូបនេះធ្លាប់លេងឲ្យ Malmo, Ajax, Juventus, Inter Milan, AC Milan, Barcelona, Paris Saint Germain, Manchester United និង Los Angeles Galaxy ក្នុងអាជីពដែលមានរយៈពេល ២២ ឆ្នាំ។
