ក្លិប ៣ ដែលអាចនាំយកកីឡាករ Harvey Barnes ក្នុងរដូវក្តៅនេះ

Harvey Barnes គ្រោងនឹងចាកចេញពី Leicester City នៅរដូវក្តៅនេះ បន្ទាប់ពីក្រុម ត្រូវបានកាត់ចោលក្នុងរដូវកាលដែលទើបបញ្ចប់ថ្មីៗ ហើយកីឡាករវ័យ ២៥ ឆ្នាំរូបនេះគឺជាអ្នកស៊ុតបញ្ចូលទីច្រើនជាងគេនៅរដូវកាលនេះដោយរកបាន ១៣ គ្រាប់ក្នុងការបង្ហាញខ្លួន ៣៤ លើក ដែលជារដូវកាលដ៏ល្អបំផុតរបស់គាត់ ចាប់តាំងពីបានចូលលេងក្នុងរដូវកាល ២០១៧-១៨ ។ ការកាត់ចោលនោះ ពួកគេនឹងនាំយកកីឡាករដែលមានគុណភាពជាច្រើន ហើយ Harvey Barnes គឺជាម្នាក់ក្នុងចំណោមពួកគេ ហើយនៅក្នុងអត្ថបទនេះ ក្រុមការងារ Media 365 Daily នឹងនាំមិត្តអ្នកអានអោយស្គាល់ពីក្លិបគោលដៅចំនួនបីដែលនាំយក Harvey Barnes ទៅចូលរួម៖

#3 West Ham United
West Ham ចាប់អារម្មណ៍លើ Harvey Barnes នេះបើយោងតាមរបាយការណ៍ពី The Sun ក្រុមដែលមានរហ័សនាម ញញួរយក្ស ត្រូវបានគេរំពឹងថានឹងលក់ខ្សែបម្រើស្លាបវ័យ ២៦ ឆ្នាំ Maxwel Cornet តាមរយៈ Caught Offside ដើម្បីបន្ថែមក្នុងការនាំយក Harvey Barnes ។ តម្លៃ​ខ្លួនរបស់ Harvey Barnes ​ត្រូវ​បាន​ដឹងថា​ប្រហែលជា ៦០ លាន​ផោន ដែល​ជា​តម្លៃ​សមរម្យ​សម្រាប់​ខ្សែ​បម្រើ​ស្លាបរូបនេះ។

#2 Newcastle United
Newcastle United បានចាប់អារម្មណ៍លើ Harvey Barnes នេះបើយោងតាមរបាយការណ៍ពី Football Insider ហើយរបាយការណ៍​នេះបន្ថែម​ទៀត​ថា កីឡាករ​រូប​នេះ​ចង់​ចូល​រួម​ជាមួយ​ក្រុម Newcastle របស់លោក Eddie Howe ដោយកីឡាករ​វ័យ ២៥ ឆ្នាំ​រូបនេះត្រូវ​បាន​គេ​កំណត់​ថា​ជា​គោលដៅ​ដ៏​សំខាន់សម្រាប់ក្លិបមួយនេះ។ តម្លៃ ៦០ លានផោននេះមិនគួរជាបញ្ហានោះទេសម្រាប់ Newcastle ព្រោះក្លិមនេះមានម្ចាស់ដែលនឹងវិនិយោគក្នុងក្លិបដើម្បីជួយកែលម្អក្លិបឲ្យកាន់តែប្រសើរឡើង ខណៈដែលរដូវកាលក្រោយ Newcastle មានឱកាសលេងនៅពានរង្វាន់ Champions League ។

#1 Aston Villa
Aston Villa កំពុងនាំមុខក្នុងការនាំយកកីឡាករ Harvey Barnes នេះបើយោងតាមរបាយការណ៍ពី talkSPORT ហើយ Aston Villa រីករាយនិងរដូវកាលដ៏ល្អមួយ ជាពិសេសចាប់តាំងពីអ្នកចាត់ការ Unai Emery ត្រូវបានតែងតាំងជាអ្នកចាត់ការទូទៅរបស់ក្លិប ពួក​គេ​បាន​បញ្ចប់​ក្នុង​ចំណាត់​ថ្នាក់​លេខ​ ៧ ដោយ​ធានា​បាន​ការ​លេងវគ្គជម្រុះ​សម្រាប់ពានរង្វាន់ UEFA European Conference League ផងដែរ។ ខ្សែបម្រើស្លាបរូបនេះមានតួនាទីសំខាន់ក្នុងទម្រង់លេងរបស់ក្រុម ហើយដូចគ្នាជាមួយ Leon Bailey និង Emiliano Buendia ធ្វើបានល្អពេញមួយរដូវកាល ហើយការមកដល់របស់ Barnes នឹងផ្តល់នូវការប្រកួតប្រជែង និងកម្លាំងយ៉ាងស៊ីជម្រៅនៅក្នុងតំបន់បម្រើ ហើយហេតុដូច្នេះហើយការនាំយកកីឡាករវ័យ ២៥ ឆ្នាំរូបនេះពិតជាមានន័យណាស់សម្រាប់ Aston Villa។