ក្លិប PL មួយនេះចង់បាន Jadon Sancho ខណៈ Man United ចង់បាន ៦០ លានផោនសម្រាប់រូបគេ
យោងតាម Football Transfers ក្លិប Aston Villa ចាប់អារម្មណ៍យ៉ាងខ្លាំងក្នុងការចុះហត្ថលេខាលើខ្សែបម្រើស្លាបរបស់ក្រុម Manchester United កីឡាករ Jadon Sancho នៅរដូវក្តៅនេះ Sancho បានព្យាយាមឈានដល់កម្រិតកំពូលរបស់គាត់ដែលគាត់ធ្លាប់ត្រូវបានគេសរសើរនៅ Borussia Dortmund ហើយចាប់តាំងពីផ្ទេរមក Manchester United ក្នុងតម្លៃ ៧៣ លានផោនក្នុងឆ្នាំ ២០២១ គាត់បានស៊ុតបញ្ចូលទីបាន ១២ គ្រាប់ប៉ុណ្ណោះ និង Assists ចំនួន ៦ ដងក្នុង ៧៩ ប្រកួតសម្រាប់ក្លិបមួយនេះ។
Manchester United ត្រូវបានគេរាយការណ៍ថាបានបើកចំហក្នុងការលក់កីឡាករវ័យ ២៣ ឆ្នាំនៅរដូវក្តៅនេះក្នុងតម្លៃ ៦០ លានផោន ទោះជាយ៉ាងណាក៏ដោយ សម្រាប់តម្លៃកីឡាករអន្តរជាតិអង់គ្លេសរូបនេះគឺច្រើនពេកសម្រាប់ Aston Villa ហើយ Villa ចាប់អារម្មណ៍ក្នុងការចុះហត្ថលេខាលើ Jadon Sancho នៅរដូវក្តៅនេះ ប៉ុន្តែសម្រាប់តម្លៃផ្ទេរតិចជាងនេះ ក្នុងនោះក្រុមរបស់លោក Unai Emery មានលក្ខណៈសម្បត្តិគ្រប់គ្រាន់សម្រាប់ការប្រកួត UEFA Europa Conference League ហើយនឹងសម្លឹងមើលការពង្រឹងក្រុមរបស់គាត់សម្រាប់រដូវកាលក្រោយផងដែរ។
ទោះយ៉ាងណាក៏ដោយ នេះគឺជាការផ្ទេរដែលមិនទំនងក្លាយជាការពិតឡើយ ខណៈ Manchester United ទំនងជាមិនបញ្ចុះតម្លៃសម្រាប់ Sancho ទេ ជាងនេះទៅទៀត ខ្សែបម្រើស្លាបរបស់បិសាចក្រហមរូបនេះបច្ចុប្បន្នកំពុងរកបាន ៣៥ម៉ឺនផោន ក្នុងមួយសប្តាហ៍ ដែលជាប្រាក់ខែដែល Villa ប្រហែលជាមិនមានលទ្ធភាពផ្តល់ឲ្យគាត់នោះទេ។
