សង្សារចាស់របស់ Ronaldo ការពារ Georgina Rodriguez ដែលជាសង្សារថ្មីក្រោយនាងជួបប្រទះរឿងនេះ

អតីតមិត្តស្រីរបស់ Cristiano Ronaldo នាង Merche Romero បានការពារសង្សារបច្ចុប្បន្នរបស់ Ronaldo គឺ Georgina Rodriguez បន្ទាប់ពីនាងត្រូវបានវាយប្រហារនៅលើ TikTok ដោយអតីតមិត្តរួមការងាររបស់នាងគឺ Pablo Bone កាលពីខែមេសាកន្លងទៅ ខណៈដែល Georgina Rodriguez ធ្លាប់ធ្វើការជាអ្នកលក់នៅក្នុងហាង Gucci ក្នុងទីក្រុង Madrid កាលពីឆ្នាំ ២០១៦ ជាមួយ Pablo Bone ហើយនេះជាកន្លែងដែលនាងបានជួប Cristiano Ronaldo ដែលនាំទៅដល់ការចាប់ផ្តើមនៃទំនាក់ទំនងស្នេហារយៈពេលប្រាំពីរឆ្នាំរបស់ពួកគេ។

ក្នុងភាពយន្តឯកសារទី ២ ក្នុង Netflix របស់នាងដែលមានឈ្មោះថា ‘Soy Georgina’ ដែលមានន័យជាភាសារខ្មែរថា ‘ខ្ញុំគឺ Georgina’បានចាក់បញ្ចាំងនៅដើមឆ្នាំនេះ ហើយវាបានបង្ហាញពី ភាពសុភាពរាបសារ និងជីវិតប្រចាំថ្ងៃក្នុងគ្រួសាររបស់នាង រួមទាំង Cristiano Ronaldo ផងដែរ ខណៈដែល Pablo Bone មិន​ពេញ​ចិត្ត​នឹង​ការ​បង្ហាញ​ខ្លួន​របស់​នាងឡើយ ហើយ​បាន​វាយ​ប្រហារ​តារា​ម៉ូដែល​អេស្ប៉ាញ​រូបនេះនៅ​លើ TikTok ទៀតផង។ គាត់បាននិយាយថានាង ជាមនុស្សក្រអឺតក្រទម និងស្រឡាញ់ភាពហឺហារ ។ Georgina Rodriguez មិន​បាន​យក​ចិត្ត​ទុក​ដាក់​នឹង​ពាក្យ​របស់ Pablo Bone ទេ តែយោងតាមសារព័ត៌មាន El Economista ថ្មីៗនេះបានឲ្យដឹងថា នាងបានដាក់ពាក្យប្តឹង Pablo Bone រួចរាល់ហើយពីបទបរិហារកេរ្តិ៍។