ខ្សែប្រយុទ្ធ Eden Hazard ប្រាប់ពីមូលហេតុដែលខ្លួនមិនទាន់ចូលនិវត្តន៍ពីបាល់ទាត់
ខ្សែប្រយុទ្ធ Eden Hazard បានប្រកាសចែកផ្លូវជាមួយក្លិប Real Madrid កាលពីពេលថ្មីៗនេះ មានសារព័ត៌មានជាច្រើនបានចុះផ្សាយថាកីឡាកររូបនេះបានសម្រេចចិត្តចូលនិវត្តន៍ពីវិស័យបាល់ទាត់ហើយក្រោយចាកចេញពីក្លិបអធិរាជស ។
កីឡាករ Hazard បាននិយាយយ៉ាងច្បាស់ៗក្នុងកិច្ចសម្ភាសន៍មួយថារូបគេនៅតែមានអារម្មណ៍ថាអាចនៅលេងជាកីឡាករអាជីពបាន គាត់គ្រាន់តែចង់សម្រាកពីបាល់់ទាត់រយៈពេល ២ទៅ ៣ឆ្នាំសិនទើបរូបគេត្រលប់ចូលលេងក្នុងនាមជាកីឡាករអាជីពសារជាថ្មីម្តងទៀត រូបគេបានបានបន្ថែមទៀតថាមកទល់នឹងពេលនេះគាត់មិនសម្រេចចិត្តទៅលេងក្លិបណាបន្ទាប់នោះទេ រូបគេចង់ចំណាយពេលនៅជាមួយគ្រួសារដើរលេងដូចអ្នកផ្សេងឯទៀតអញ្ចឹង។
បើតាមសារព័ត៌មានជាច្រើនបានចុះផ្សាយថាបន្ទាប់ពីចាកចេញពី Real Madrid កីឡាករ Hazard អាចនឹងផ្លាស់ទៅលេងនៅលីគកំពូលអារ៉ាប៊ីសាអ៊ូឌីត ឬក៏លីគកំពូលបែលហ្ស៊ិក ដែលជាប្រទេសកំណើតរបស់ខ្លួន៕
