កីឡាករ N’Golo Kante បានចូលរួមជាមួយក្លិប Al Ittihad ហើយ
ទីបំផុតខ្សែបម្រើកណ្តាល N’Golo Kante បានចាកចេញពីក្លិបតោខៀវ Chelsea នឹងផ្លាស់ទៅលេងក្លិបលីគកំពូលរបស់ប្រទេស អារ៉ាប៊ីសាអ៊ូឌីត Al Ittihad កាលពេលថ្មីៗនេះ ក្រោយរូបគេរួមរស់ជាមួយក្លិបរបស់ប្រទេសអង់គ្លេសមួយនេះអស់រយះពេល ៧ឆ្នាំ ។
បើយោងតាមសារព័ត៌មាន Goal បានចុះផ្សាយថា កីឡាករសញ្ជាតិបារាំងរូបនេះបានចុះកុងត្រាជាមួយក្លិបដែលមានមូលដ្ឋាននៅប្រទេស អារ៉ាប៊ីសាអ៊ូឌីត នេះរួចហើយ គាត់ទទួលបានកុងត្រារយៈពេល ៣ឆ្នាំជាមួយនឹងក្លិបជើងឯកលីគកំពូលអារ៉ាប៊ីសាអ៊ូឌីតមួយនេះ តាមប្រភពដដែលបានបន្ថែមទៀតថាកីឡាករ N’Golo Kante ទទួលបានប្រាក់ពលកម្មរហូតដល់ ១១០លានអ៊ឺរ៉ូនៅក្នុងមួយឆ្នាំក្រោយរូបគេបានចូលរួមជាមួយក្លិប Al Ittihad ។
សូមជម្រាបផងដែរកន្លងមកគេសង្កេតឃើញមានកីឡករឆ្នើមបាល់ទាត់មួយចំនួនបានផ្លាស់ទៅលេងនៅអារ៉ាប៊ីសាអ៊ូឌីត ក្នុងនោះផងដែលរួមមាន ខ្សែប្រយុទ្ធព័រទុយហ្គាល់ Cristiano Ronaldo និងខ្សែប្រយុទ្ធបារាំង Karim Benzema ៕
