Man United នឹងចំណាយទឹកប្រាក់ប្រមាណ ៦៩លានផោនសម្រាប់ខ្សែរប្រយុទ្ធឆ្នើមព័រទុយហ្គាល់រូបនេះ
ប្រធានក្លិប Benfica លោក Rui Costa គិតថា Manchester United នឹងដំឡើងថ្លៃ ៦៩លានផោន ដែលពួកគេកំពុងចង់បានសម្រាប់ខ្សែប្រយុទ្ធដ៏មានតម្លៃរបស់ពួកគេ Goncalo Ramos នេះបើយោងតាមរបាយការណ៍
ហើយកីឡាករវ័យ ២២ ឆ្នាំរូបនេះគឺជាទ្រព្យសម្បត្តិដ៏មានតម្លៃបំផុត បន្ទាប់ពីរូបគេស៊ុតបញ្ចូលទីបាន ២៧ គ្រាប់ និង ១២ ដងក្នុងរដូវកាលនេះ ក្នុងនោះ Bruno Fernandes បានជំរុញក្រុមរបស់គាត់ឲ្យចុះហត្ថលេខាលើកីឡាករអន្តរជាតិព័រទុយហ្គាល់ដោយអះអាងថាគាត់អាចក្លាយជា “ខ្សែប្រយុទ្ធដ៏ល្អបំផុតមួយនៅក្នុងពិភពលោក” នៅរដូវក្តៅនេះ។
ហើយឥឡូវនេះ Costa ជឿជាក់ថា United នឹងខិតមកជិតការវាយតម្លៃរបស់ Benfica ហើយបន្ទាប់ពីពួកគេបានបដិសេធការដេញថ្លៃដែលមានតម្លៃប្រហែល ៥២ លានផោនពីក្លិបដែលមិនបញ្ចេញឈ្មោះ នេះបើយោងតាមកាសែតព័រទុយហ្គាល់ Correio da Manha ក្នុងនោះ United កំពុងតែស្វែងរកការសាកសួរ Ramos ត្រឡប់មកវិញនៅក្នុងខែមករា ប៉ុន្តែការរឹតបន្តឹងខាងផ្នែកហិរញ្ញវត្ថុបានធ្វើឲ្យពួកគេពិបាកក្នុងការបញ្ចេញសាច់ប្រាក់ ដោយបង្ខំឲ្យពួកគេយក Wout Weghorst ក្នុងលក្ខខណ្ឌខ្ចីជើង។
គួរបញ្ជាក់ថា Ramos មានភាពល្បីល្បាញនៅអឺរ៉ុបតែមួយរដូវកាលប៉ុណ្ណោះសម្រាប់ក្រុមព័រទុយហ្គាល់មួយនេះ ដោយចំនួនសរុបល្អបំផុតក្នុងមួយរដូវកាលរបស់គេឈរនៅលើគ្រាប់បាល់ចំនួនប្រាំបីគ្រាប់
ប៉ុន្តែឥឡូវនេះគាត់គឺជាគោលដៅសម្រាប់ PSG ក៏ដូចជា Manchester United និងអ្នកទស្សនាដ៏ជក់ចិត្តជាមួយនឹងការស៊ុតបាល់បញ្ចូលទីរបស់គាត់ ក្នុងជ័យជម្នះជាមួយក្រុមជម្រើសជាតិព័រទុយហ្គាល់ ៦-១ ទល់និងស្វីសក្នុងការប្រកួត World Cup វគ្គ ១៦ ក្រុមចុងក្រោយ។
