Sergio Rico បានចាកចេញពីបន្ទប់សង្គ្រោះបន្ទាន់ហើយ បន្ទាប់ពីគាត់ជួបគ្រោះថ្នាក់កាលពីមួយខែមុន

អតីតអ្នកចាំទី Sevilla, Mallorca និងអ្នកចាំទីរបស់ Paris Saint-Germain បច្ចុប្បន្ន Sergio Rico បានចាកចេញពីបន្ទប់សង្គ្រោះបន្ទាន់ បន្ទាប់ពីសម្រាកព្យាបាលអស់រយៈពេលជាងមួយខែ Rico ស្ថិតនៅក្នុង Andalusia បន្ទាប់ពីត្រូវបាន PSG ដាក់រូបគាត់ឲ្យសម្រាកមួយរយៈ ហើយបានជាប់ពាក់ព័ន្ធក្នុងគ្រោះថ្នាក់ជិះសេះ ដែលនាំឲ្យរបួសក្បាលធ្ងន់ធ្ងរ ក្នុងនោះគាត់បានទទួលការវះកាត់ភ្លាមៗបន្ទាប់ពីត្រូវបានដឹកតាមយន្តហោះទៅកាន់មន្ទីរពេទ្យក្នុងទីក្រុង Seville ហើយគាត់បានស្ថិតនៅក្នុងបន្ទប់ថែទាំខ្លាំងតាំងពីពេលនោះមក។

ទោះជាយ៉ាងណាក៏ដោយទីបំផុតគាត់ត្រូវបានប្រកាសថាមានសុវត្ថិភាពគ្រប់គ្រាន់ដើម្បីចាកចេញពីបន្ទប់ ICU ហើយផ្លាស់ទីទៅបន្ទប់ផ្សេងទៀត នេះបើយោងតាម Cadena SER ។ ពួកគេបន្តរៀបរាប់លម្អិតថា Rico ឥឡូវនេះស្ថិតក្នុងស្ថានភាពមួយដែលគាត់អាចក្រោកឈរឡើងវិញបាន ហើយអាចចាប់ផ្តើមដំណាក់កាលស្តារនីតិសម្បទា ដែលជាការអភិវឌ្ឍន៍ដ៏សំខាន់មួយដែលគាត់កំពុងស្ថិតក្នុងតុល្យភាព កាលពីប៉ុន្មានសប្តាហ៍មុន។ គួររំឮកថា កីឡាករវ័យ ២៩ ឆ្នាំរូបនេះបានចំណាយពេលពាក់កណ្តាលនៃរដូវកាលមុនលើការខ្ចីជើងនៅកាន់ Mallorca ហើយបានឆ្លងកាត់ការប្រកួតយ៉ាងស្វិតស្វាញដើម្បីឈានដល់ក្រុមដំបូងនៅ Sevilla ក្នុងនោះគាត់​ក៏​ធ្លាប់​លេង​នៅ Fulham មុន​ពេល​ទៅ PSG ផងដែរ។