កីឡាកររូបនេះមានបំណងចង់ទៅលេងនៅ អារ៉ាប៊ីសាអ៊ូឌីត
កីឡាករ Riyad Mahrez បានពិចារណាចង់ចាកចេញពីក្លិប Manchester City នឹងមានគម្រោងបន្តអាជីពបាល់ទាត់របស់ខ្លួននៅឯក្លិបក្នុងប្រទេស អារ៉ាប៊ីសាអ៊ូឌីត នេះបើតាមការចុះផ្សាយរបស់សារព័ត៌មាន Goal ។
តាមប្រភពខាងលើបានអោយដឹងថាកីឡាកររូបនេះអាចនឹងចូលរួមជាមួយក្លិប Al-Ahli របស់ប្រទេស អារ៉ាប៊ីសាអ៊ូឌីត ជាមួយនឹងប្រាក់ឈ្នួលប្រមាណ ២៧លានដុល្លារអាមេរិកក្នុងមួយឆ្នាំ យ៉ាងណាមិញការផ្ទេរមួយនេះមិនទាន់បានកើតឡើងនោះទេលុះត្រាតែក្លិប មេឃខៀវ មួយនេះយល់ព្រមអោយរូបគេចាកចេញទើបរូបគេអាចសម្រេចបំណងរបស់ខ្លួនបាន បច្ចុប្បន្ននេះក្លិបមួយនេះមិនទាន់មានគម្រោងលក់កីឡាករសញ្ជាតិ អាល់ហ្សេរី នេះនោះទេដោយបានលើកហេតុផលថាកុងត្រារបស់គេនៅមានសពុលភាពដល់ឆ្នាំ២០២៥ ឯណោះ ។
គួរបញ្ជាក់ថា Mahrez បានចូលរួមជាមួយក្លិប Man City តាំងពីឆ្នាំ២០១៨មក ដោយកីឡាកររូបនេះលេងបាន ២៣៦ប្រកួត នឹងរកគ្រាប់បាល់បាន ៧៨គ្រាប់ ៕
