មូលហេតុ ២ ដែល Barca បដិសេធមិននាំយក Neymar ត្រលប់មកវិញ
តារាឆ្នើម Neymar ត្រូវបានគេផ្សាភ្ជាប់ជាមួយក្លិប Barcelona សារជាថ្មីម្តងទៀត នេះបើយោងតាមការចេញផ្សាយរបស់លោក Ferran Martinez ដែលមកពីគេហទំព័រ Mundo Deportivo។
លោក Pini Zahavi ដែលជាភ្នាក់ងារបានចូលរួមនៅក្នុងកិច្ចព្រមព្រៀងដែលនាំកីឡាករវ័យ ៣១ ទៅកាន់ក្លិប Paris Saint-Germain កាល ៦ ឆ្នាំមុនបានប្រាប់ក្រុមការងាររបស់ Barca ថាពួកគេអាចចុះហត្ថលេខាលើអតីតតារាឆ្នើមរបស់ពួកគេវិញបានក្នុងតម្លៃថោក យ៉ាងណាក៏ដោយចំពោះ Barcelona បានបដិសេធម្តងទៀតនៅឱកាសក្នុងការចុះហត្ថលេខាលើខ្សែប្រយុទ្ធសញ្ជាតិប្រេស៊ីលរូបនេះ ទោះបីជាក្នុងលក្ខខណ្ឌខ្ចីជើងក៏ដោយ។
ក្នុងនោះខាងដឹកដី Camp Nou បានច្រានចោលកិច្ចព្រមព្រៀងជាមួយ Neymar ដោយហេតុផលសំខាន់ពីរ៖
១, ផលវិបាកផ្នែកហិរញ្ញវត្ថុ ដែល Neymar មានប្រាក់ពលកម្មថ្លៃខ្លាំង។
២, បុគ្គលិកលក្ខណៈរបស់ Neymar ដោយ Barca មានការព្រួយបារម្ភថា រូបគេអាចនិងមានបញ្ហានៅក្នុងបន្ទប់ផ្លាស់សំលៀកបំពាក់។
គួរបញ្ជាក់ថា Neymar Jr នៅតែបង្ហាញទម្រង់លេងបានយ៉ាងល្អ ដោយរូបគេអាចស៊ុតបញ្ចូលទីបាន ១៨ គ្រាប់និងបញ្ជូនបាល់ឲ្យមិត្តរួមក្រុមបាន ១៧ លើកក្នុងការប្រកួតតែ ២៩ ប្រកួតប៉ុណ្ណោះសម្រាប់ PSG ៕ ប្រភព៖ tribuna